ग्लोबल आईएमई बैंकको खुद नाफा ३२.५६ प्रतिशत बढेर एक अर्ब ८७ करोड २१ लाख पुगेको छ भने सनराइजको ४५.२९ प्रतिशतले वृद्धि भई एक अर्ब २४ करोड ८ लाख कायम भएको छ ।
वितरणयोग्य लाभांश क्षमतामा ग्लोबल आईएमई बैंकको एक अर्ब ४१ करोड ७४ लाख कायम रहँदा वार्षिक १८.३३ प्रतिशत र सनराइजको ९८ करोड १८ लाख कायम हुँदा वार्षिक १६.२५ प्रतिशत लाभांश वितरण गर्नसक्न क्षमता बनाएका छन् ।
यस अवधिमा ग्लोबल आईएमई बैंकले १६ प्रतिशत बोनस वितरण गरेर १० अर्ब ३१ करोड चुक्ता पूँजी कायम गरेको छ भने ११.५० प्रतिशत नगद लाभांश वितरण गरेको सनराइजको ८ अर्ब ५ करोड चुक्ता पूँजी रहेको छ ।
ग्लोबल आईएमईको प्रतिशेयर आम्दानी ३ रुपैयाँ २ पैसा बढेर २४ रुपैयाँ ३१ पैसा र सनराइजको ६ रुपैयाँ ४० पैसा बढेर २० रुपैयाँ ५४ पैसा रहेको छ । ग्लोबल आईएमई बैंकको खराब कर्जा अनुपात घटेर सनराइजको बढ्दा पनि ग्लोबलको खराब कर्जा सनराइजको तुलनामा धेरै छ ।
जगेडा कोषको आकारमा हेर्दा ग्लोबल आईएमईको ५ अर्ब १२ करोड र सनराइजको दुई अर्ब ७३ करोड रहेको छ । ग्लोबलको ९.३० तथा सनराइजको १८.७२ प्रतिशतले जगेडाकोष बढेको छ ।
यस अवधिमा ग्लोबल आईएमई बैंकले एक खर्ब १६ अर्ब निक्षेप संकलन र एक खर्ब ३ अर्ब कर्जा परिचालन गर्दा सनराइज बैंकको निक्षेप संकलन ८१ अर्ब १६ करोड र कर्जा लगानी ७४ अर्ब ९८ करोड रहेको छ । निक्षेप संकलन र कर्जा लगानीमा रकमका आधारमा थोरै भएपनि ग्लोबल आईएमई भन्दा सनराइजको वृद्धिददर ज्यादा छ ।
