पचास प्रतिशतले कर्मचारी खर्च र अन्य खर्च वृद्धिको बाबजुत बैंकको नाफामा सो सुधार देखिएको हो । १९ प्रतिशतले पूँजी बढाएको बैंकको आम्दानी विस्तार सुस्त बन्दा इपिएसमा संकुचन आएको छ भने जगेडा कोषको आकार २२ प्रतिशतले घट्दा बैंकको प्रतिशेयर नेटवर्थ पनि कमजोर बनेको देखिन्छ।
बैंकले दुई अर्ब ३० करोड ४९ लाखको चुक्ता पूँजी दुई अर्ब ७५ करोड रुपैयाँमा बढाउँदा एक अर्ब २९ करोड ९३ लाखको जगेडा कोषमा एक अर्ब ८१ लाखमा झरेको छ ।
चैत मसान्तसम्ममा २७ अर्ब ४८ करोड ९२ लाख रुपैयाँ निक्षेप संकलन गरेको बैंकले २४ अर्ब १९ करोड १८ लाख रुपैयाँ कर्जा लगानी गरेको छ । यस अवधिमा बैंकले ८५ करोड ९७ लाख रुपैयाँ खुद ब्याज आम्दानी गरेको छ ।
गत वर्षको यसै अवधिको तुलनामा बैंकको खुद ब्याज आम्दानी १५ करोड ४४ लाख रुपैयाँले वृद्धि भएको हो । गत वर्ष बैंकले ७० करोड ५३ लाख रुपैयाँ खुद ब्याज आम्दानी गरेको थियो ।
बैंकको प्रतिशेयर आम्दानी वार्षिक १८ रुपैयाँ ९३ पैसा छ। गत आवको यसै अवधिमा बैंकको इपिएस १९ रुपैयाँ ६९ पैसा रहेको थियो। यस्तै प्रतिशेयर नेटवर्थ १३६ रुपैयाँ ६६ पैसा, मूल्य आम्दानी अनुपात १०.०४ गुणा रहेको बैंकको बैंकको निष्कृय कर्जा अनुपात ०.७९ प्रतिशतमा सुधार भएको छ ।