हाइड्रोपावरले चालू आर्थिक वर्षको तेस्रो त्रैमाससम्ममा १० करोड ५ लाख रुपैयाँ नोक्सानी व्यहोरेको छ । यद्यपी कम्पनीले गत आर्थिक वर्षको सोही अवधिको तुलनामा १ करोड २३ लाख रुपैयाँ नोक्सानी घटाएको छ ।
गत आर्थिक वर्षको तेस्रो त्रैमाससम्ममा हाइड्रोपावर ११ करोड २८ लाख रुपैयाँ नोक्सानीमा थियो ।
यस अवधिमा कम्पनीको विद्युत बिक्रीबाट हुने आम्दानी पनि घटेको छ । गत चैत मसान्तमा ५ करोड ८२ लाख आम्दानी गरेको कम्पनीको आम्दानी ५ करोड २९ लाख रुपैयाँमा खुम्चिएको हो ।
आम्दानीसँगै प्रशासनीक खर्च लगायत अन्य खर्चका शिर्षकहरुमा गरिएको नियन्त्रण कारण कम्पनीको नोक्सानी भने घटेको हो । यस अवधिमा कम्पनीले ३४ लाख ७७ हजार रुपैयाँ अन्य आम्दानी गर्दा पनि नोक्सानी घटाउन सहयोग पुगेको हो ।
गत आवको दोस्रो त्रैमासको तुलनामा जगेडा कोष थप ऋणात्मक बनेको छ । गत आर्थिक वर्षको तेस्रो त्रैमासमा २३ करोड ५९ लाख नेक्सानीमा रहेको जगेडा कोष ३८ करोड ५९ लाखमा नोक्सानीमा पुगेको छ ।
कम्पनीको चुक्ता पूँजी ४६ करोड ५७ लाख १४ हजार रहेको छ भने कम्पनीको प्रतिशेयर आम्दानी वार्षिक २८ रुपैयाँ ७८ पैसा ऋणात्मक छ ।