विद्युत विक्रीको आम्दानी घटेसँगै सिनर्जी पावरको नाफामा ३६ प्रतिशत गिरावट

May 15, 2019 Merolagani

चालु आर्थिक वर्षको तेस्रो त्रैमासमा सिनर्जी पावर डेभलपमेन्टको नाफा ३६.३२ प्रतिशतले घटेको छ । गत वर्षको यसै अवधिमा २ करोड १४ लाख रुपैयाँ नाफा आर्जन गरेको कम्पनीले चालु आर्थिक वर्षको तेस्रो त्रैमासमा एक करोड ३६ लाख रुपैयाँ नाफा आर्जन गरेको हो ।

कम्पनीको विद्युत विक्री मार्फतको आम्दानी घटेसँगै नाफामा गिरावट देखिएको हो ।

कम्पनीले विद्युत विक्री मार्फत् १४ करोड ७ लाख रुपैयाँ आम्दानी गरेको छ । गत वर्षको यसै अवधिमा १५ करोड ८७ लाख रुपैयाँ आम्दानी गरेको थियो ।

यसैगरी गत वर्षको यसै अवधिमा एक लाख २० हजार ब्याज आम्दानी गरेको कम्पनीले चालु आर्थिक वर्षको तेस्रो त्रैमासमा ३० हजार रुपैयाँ मात्र आम्दानी गरेको छ । अन्य स्रोत मार्फतको आम्दानी भने ३ लाख ९० हजारबाट ७८ लाख २१ हजार रुपैयाँ पुर्याएको छ ।

कम्पनीले समग्र खर्चलाई भने नियन्त्रण गरेको छ । गत वर्ष १३ करोड ७८ लाख रुपैयाँ समग्र खर्च गरेको कम्पनीले चालु आर्थिक वर्षको तेस्रो त्रैमासमा उक्त खर्च १३ करोड ४९ लाख रुपैयाँमा सीमित राखेको छ ।

७० करोड चुक्ता पूँजी स्थिर राखेको कम्पनीले जगेडा कोषमा सुधार गरेको छ । गत वर्षको यसै अवधिमा १३ करोड ६ लाख रुपैयाँले ऋणात्मक रहेको कम्पनीको जगेडा कोष चालु आर्थिक वर्षको तेस्रो त्रैमासमा १२ करोड २३ लाख रुपैयाँले ऋणात्मक रहेको छ ।

प्रतिशेयर आम्दानी एक रुपैयाँ ९५ पैसा रहेको कम्पनीको प्रतिशेयर नेटवर्थ ८२ रुपैयाँ ५२ पैसा रहेको छ ।


comments powered by Disqus

नयाँ दश जीबन बीमा कम्पनीमा देखियो रोचक प्रतिस्पर्धा

Aug 20, 2019 07:05 PM

- अरुण पाख्रेन।
पछिल्लो समय सञ्चालनमा आएका नयाँ १० जीवन बीमा कम्पनीहरुले गत आर्थिक वर्षको वित्तीय  विवरण सार्वजनिक गरिसकेका छन्। जसमा निकै रोचक प्रतिस्पर्धा देखिएको छ। एक कम्पनीले एक शिर्षकमा दाबेदारी प्रस्तुत गर्दा अर्को कम्पनी अर्को शिर्षकमा अब्बल देखिएको छ।