इन्स्योरेन्सले यस अवधिमा लगानी कर्जा तथा अन्य आयबाट ३६ करोड २४ लाख रुपैयाँ, बीमा लेख धितोमा २९ करोड ५१ लाख रुपैयाँ लगानी गरेर २ करोड ७ लाख रुपैयाँ आम्दानी गरेको छ ।
यस अवधिमा इन्स्योरेन्सले ५ करोड ६५ लाख ८८ हजार खुद नाफा आर्जन गरेको छ । गत वर्ष चैतमा ४ करोड १ लाख २४ हजार रुपैयाँ खुद नाफा कमाएको थियो । कम्पनीको खुद नाफा गत वर्षको यसै अवधिको तुलनामा १ करोड ६४ लाख ६४ हजार रुपैयाँले बढी हो ।
६४ करोड १५ लाख रुपैयाँ चुक्ता पूँजी रहेको इन्स्योरेन्सको जीवन बीमा कोषमा ५ अर्ब २१ करोड ८१ लाख रुपैयाँ, जगेडा कोषमा २३ करोड १७ लाख रुपैयाँ र महाविपत्ती कोषमा ३ करोड ३९ लाख रुपैयाँ संचित छ ।
इन्स्योरेन्सले यस अवधिमा कुल ७ अर्ब २ करोड ३४ लाख रुपैयाँ बीमा शुल्क संकलन गरेको छ । हाल इन्स्योरेन्सको २ लाख ११ हजार ९७७ वटा बीमालेख कायम छ । कम्पनीले ८४६ दाबी वापत २५ करोड ८३ लाख रुपैयाँ भुक्तानी गरेको छ भने २२ दाबी वापत ५६ लाख ७१ हजार रुपैयाँ भुक्तानी गर्न बाँकी छ ।
इन्स्योरेन्सको प्रतिशेयर आम्दानी ११ रुपैयाँ ७६ पैसा, प्रतिशेयर नेटवर्थ १४१ रुपैयाँ ४१ पैसा र मूल्य आम्दानी अनुपात ४३.७० गुणा बढी छ ।