सबैभन्दा ठूलो दुरसञ्चार उपकरण निर्माता कम्पनी हुवावे अमेरिकाको कालोसूचीमा

May 17, 2019 Merolagani

अमेरिकाले विश्वको सबैभन्दा ठूलो दुरसञ्चार उपकरण निर्माता कम्पनी हुवावेमाथि प्रतिबन्ध लगाएको छ । अमेरिकाको वाणिज्य विभागले कम्पनीलाई एनटिटी सूचीमा राख्ने घोषणा गरेको छ ।

दुई देशका बीच निरन्तर रुपमा चलिरहेको व्यापार युद्धका बीच अमेरिकाले उक्त घोषणा गरेको हो । उक्त सूचीमा शामिल कम्पनीले अमेरिकी सरकारको स्वीकृती बिना त्यहाँको कम्पनीबाट कुनै पनि उपकरण र प्रविधि किन्न पाउदैनन ।

इनटिटी सूचीमा समावेश कुनै पनि कम्पनी वा व्यक्तिलाई अमेरिकी प्रौद्योगिक बिक्री वा हस्तान्तरका लागि बीआईएसद्वारा जारी लाइसेन्सको आवश्यकता पर्छ । यदि बिक्री वा हस्तान्तरणबाट अमेरिकी राष्ट्रिय सुरक्षा वा विदेश नीतिको हितमा हानी पुगेमा लाइसेन्स अस्वीकार गर्न सकिन्छ ।

अमेरिकी दूरसञ्चार कम्पनीलाई राष्ट्रिय सुरक्षाका लागि खतरा उत्पन्न गर्न सक्ने विदेशी सुरक्षा उपकरण स्थापित गर्नबाट रोक्ने भन्दै हुवावेलाई कालोसूचीमा राखिएको बताइएको छ ।

अमेरिकाले एक आदेश जारी गर्दै त्यहाँको कम्पनीले पनि राष्ट्रिय सुरक्षालाई खतरा उत्पन्न गराउने कुनै पनि दुरसञ्चार उपकरण प्रयोग गर्ने नसक्ने बताइएको छ । यद्यपी उक्त आदेशमा कुनै पनि कम्पनीको नाम शामिल गरिएको छैन ।

अमेरिकाले लामो समयदखि हुवावेको उपकरणबाट जासुसीको खतरा रहेको बताउँदै आएको छ । उसले आफ्ना सहयोगी देशहरुलाई पनि हुवावेको ५जी सेवा प्रयोग नगर्नका लागि भनेको थियो । एजेन्सी


comments powered by Disqus

दुबईका व्यवसायीलाई नेपालमा लगानी गर्न उपप्रधानमन्त्री पोखरेलकाे आग्रह

Nov 20, 2019 05:39 PM

उपप्रधान तथा रक्षामन्त्री ईश्वर पोखरेलले कानूनी रुपमै लगानी सुरक्षाको प्रत्याभूति गरिएको भन्दै नेपालमा लगानी गर्न संयुक्त अरब इमिरेट् (युएई) का लगानीकर्तालाई आग्रह गरेका छन्। युएईको औपचारिक भ्रमणमा रहेका उपप्रधानमन्त्री पोखरेलसँग दुबई उद्योग वाणिज्य सङ्घका अध्यक्षसंगकाे भेटमा नेपालमा लगानी गर्न आग्रह गरेका हुन्।