हिमालय ऊर्जाको शेयरमूल्यमा नेगेटिभ सर्किट

May 22, 2019 Merolagani

बुधबारदेखी शेयर कारोबार खुलेको हिमालय ऊर्जा विकास कम्पनीको शेयरमूल्यमा नेगेटिभ सर्किट लागेको छ । ‘एचयुआरजेए’ कारोबार संकेतमा खुला भएको कम्पनीको शेयरमा पन्ध्र मिनेट नपुग्दै नेगेटिभ सर्किट लागेको हो।

नेप्सेले कम्पनीको पहिलो कारोबारको लागि ९८ रुपैयाँ ३६ पैसा देखि २९५ रुपैयाँ ०८ पैसा ओपनिङ्ग रेञ्ज तोकेको छ। सो अनुसार १६० रुपैयाँमा शेयर कारोबार खुला भएको कम्पनीको शेयरमूल्य दश प्रतिशतले घटेर १४४ रुपैयाँमा झरेको छ । कारोबार खुला भएको आधा घण्टा अवधिमा कम्पनीको करिब पाँच हजार कित्ता शेयर खरिद बिक्री भएको छ।

नेप्सेको मार्केट डेप्थमा बिक्रीकर्ताको चाप छ भने खरिदकर्ताले अर्डर प्लसमेन्ट राखेका छैनन् । तर कारोबार भने भैरहेको छ । शेयरमूल्यमा सर्किट लागेपछि न्यूनतम मूल्यमा नै शेयर उठाउने क्रम बढ्दा बायर लिस्ट खाली देखिन्छ ।

 

कम्पनीको साधारण शेयर सहित ९९ लाख कित्ता शेयर सोमबार नेप्सेमा सूचीकृत भएको थियो।

हिमालय ऊर्जाले चैत २० देखि २५ गतेसम्म जारी पूँजी ९९ करोड रुपैयाँको १५ प्रतिशत बराबरको कूल १४ लाख ८५ हजार कित्ता साधारण शेयर निष्काशन गरि गत वैशाख ३ गते बाँडफाँड गरेको थियो। आईपिओमा अधिकांश आवेदकले २० कित्ता र ३ प्रतिशत आवेदकले १० कित्ता शेयर पाएका थिए।

कम्पनीले रामेछाप र दोलखा जिल्लाको सीमा भएर बहने खिम्ति खोलामा कम्पनीले १२ मेगावाटको उपल्लो खिम्ति र ७ मेगावाटको अपर खिम्ति– आई आई गरी कुल १९ मेगावाटका आयोजनाहरु निर्माण गरिरहेको छ।

हिमालय ऊर्जाको शेयर कारोबार खुल्यो, ‘HURJA’ कारोबार संकेत प्रदान


comments powered by Disqus

धितोपत्र बोडद्धारा ७ दिनभित्र बैंकलाई ब्रोकर इजाजत सहित ८ बुँदाको प्रगति विवरण पेश गर्न नेप्सेलाई निर्देशन

Sep 15, 2019 06:46 PM

नेपाल धितोपत्र बोर्डको सुपरिवेक्षण तथा अनुसन्धान विभागले बैंकलाई ब्रोकर इजाजत सहित ८ बुँदाको पछिल्लो प्रगति विवरण ७ दिनभित्र बोर्डमा पेश गर्न नेप्सेलाई निर्देशन दिएको छ।विभागले भदौ २६ गते पत्राचार गर्दै बोर्डको निर्देशन तथा मुद्रा तथा पूँजी बजार समितिको दिएको सुझावमा आधारित रहेर नेप्सेसंग कार्यान्वयन नभएको बुँदाहरुको पछिल्लो प्रगति विवरण माग गरेको हो।