वित्तीय संकट खेपेकाे पाकिस्तानलाई कतारको ३ अर्ब डलर सहयोग

Jun 25, 2019 12:43 PM agency

आर्थिक संकटको सामना गरिरहेको पाकिस्तानलाई कतारले ३ अर्ब डलर सहयोग गर्ने भएको छ । यससँगै कतारको पाकिस्तानसँगको आर्थिक सहकार्य ९ अर्ब डलर पुग्नेछ ।

पाकिस्तानको यात्रामा रहेका कतारका शेख तमीम बिन हमदले पाकिस्तानलाई उक्त सहायता प्रदान गर्न र व्यापारलाई बढावा दिनका लागि आश्वासन दिएको बताइएको छ ।

विगत ११ महिनामा कतार पाकिस्तानलाई आर्थिक संकटको सामना गर्नका लागि सहायता प्रदान गर्ने चौथो देश बनेको छ ।

यसअघि चीनले पाकिस्तानलाई ४ अर्ब ६० करोड डलर, साउदी अरबले ३ अर्ब डलर र यूएईले ३ अर्ब डलर ऋण सहायता प्रदान गरेका थिए ।

गत महिना सुस्ताउँदो अर्थतन्त्रलाई टेवा दिन अन्तरराष्ट्रिय मुद्राकोष (आईएमएफ) र पाकिस्तानका बीच ३ वर्षका लागि ६ अर्ब डलरको आर्थिक संकट निवारण कोष (बेलआउट प्याकेज) का लागि सम्झौता भएको थियो । यसको मुख्य उद्देश्य पाकिस्तानको वित्तीय अवस्थालाई मजबुत बनाउनु बताइएको थियो । एजेन्सी


comments powered by Disqus

ब्राञ्चलेस बीमा सेवा सञ्चालन गर्ने बीमा समितिको तयारी, लघुबीमा प्राथमिकतामा

Dec 12, 2019 06:41 PM

बीमा समितिले शाखारहित घुम्ती बीमा सेवा सम्बन्धी मार्गदशर्न २०७६ जारी गर्ने तयारी गरेको छ। समितिले सर्वसाधारणमा सहज ढंगले न्यूनतम लागतमा घरदैलौमा नै बीमा सुविधा पुर्याउन मार्गदर्शन जारी गर्ने तयारी गरेको हो।