पाकिस्तानको यात्रामा रहेका कतारका शेख तमीम बिन हमदले पाकिस्तानलाई उक्त सहायता प्रदान गर्न र व्यापारलाई बढावा दिनका लागि आश्वासन दिएको बताइएको छ ।
विगत ११ महिनामा कतार पाकिस्तानलाई आर्थिक संकटको सामना गर्नका लागि सहायता प्रदान गर्ने चौथो देश बनेको छ ।
यसअघि चीनले पाकिस्तानलाई ४ अर्ब ६० करोड डलर, साउदी अरबले ३ अर्ब डलर र यूएईले ३ अर्ब डलर ऋण सहायता प्रदान गरेका थिए ।
गत महिना सुस्ताउँदो अर्थतन्त्रलाई टेवा दिन अन्तरराष्ट्रिय मुद्राकोष (आईएमएफ) र पाकिस्तानका बीच ३ वर्षका लागि ६ अर्ब डलरको आर्थिक संकट निवारण कोष (बेलआउट प्याकेज) का लागि सम्झौता भएको थियो । यसको मुख्य उद्देश्य पाकिस्तानको वित्तीय अवस्थालाई मजबुत बनाउनु बताइएको थियो । एजेन्सी
