पहिलो खुलामुखी सामूहिक लगानी कोषको निष्काशन सोमबारदेखि बन्द हुँदै

Jul 01, 2019 10:21 AM Merolagani

एनआईबिएल सहभागिता फण्डको इकाईमा आवेदन गर्ने असार १६ गते सोमबार अन्तिम दिन रहेको छ। पहिलो खुलामुखी सामूहिक लगानी कोषको यस योजनाको इकाई जेठ १९ गतेदेखि सर्वसाधारणमा आवेदन खुला गरिएको थियो।

एनआईबिएल एस क्यापिटलको व्यवस्थापनमा सञ्चालित हुने सामूहिक लगानी कोष एनआईबिएल सहभागिता फण्डले पहिलो चरणमा कम्पनीले २० करोड रुपैयाँ बराबरको २ करोड इकाई बिक्रीमा ल्याएको हो।

दुई करोड इकाईमध्ये बिज पूँजी वापत १० लाख इकाई योजना व्यवस्थापक एनआईबिएल एस क्यापिटल र ६५ लाख इकाई कोष प्रवद्र्धक नेपाल इन्भेष्टमेन्ट बैंकलाई सुरक्षित राखी एक करोड २५ लाख इकाई सर्वसाधारणमा निष्काशन गरिएको छ ।

  • एक हजारदेखि २५ लाख रुपैयाँसम्म आवेदन गर्न सकिने

एनआईबिएल सहभागिता फण्डमा प्रति इकाई १० रुपैयाँ दरले न्यूनतम १०० इकाईको एक हजार रुपैयाँदेखि अधिकतम २ लाख ५० हजार इकाईका लागि २५ लाख रुपैयाँसम्मको आवेदन गर्न सकिन्छ।

इकाईमा सि आश्वा सदस्यस्ता प्राप्त लगानीकर्ताको बैंक तथा वित्तीय संस्था तथा मेरो शेयरबाट पनि अनलाईन आवेदन गर्न सकिनेछ ।

इकाईमा असार १६ गतेसम्म निष्काशन खुला रहने धितोपत्र निष्काशन तथा बिक्री प्रबन्धक एनआईबिएल एस क्यापिटलले जनाएको छ ।

  • कसरी हुन्छ खरिद बिक्री ?

एनआईबिएल म्युचुअल फण्ड अन्तर्गत सञ्चालित हुने खुलामुखी प्रकृतिको भएकोले यस फण्डको इकाई नेप्से सूचीकृत भएर खरिद बिक्री हुँदैन । यस्तै इकाई परिपक्कको अवधि पनि रहँदैन । योजना व्यवस्थापक र कोष प्रवद्र्धक आफैँ वा अन्य संस्थालाई वितरक तोकि खरिद बिक्रीको व्यवस्था हुनेछ ।

खुलामुखी म्युुचुुअल फण्डमा यसको इकाई, लगानी वा समयको कुनै सीमा हुँदैन । हाल सञ्चालनमा रहेको बन्दमुखी फण्डको जस्तो परिपक्व हुने कुनै निश्चित अवधि तोकिएको हुँदैन भने कुनै पनि समयमा लगानीकर्ताले सम्बन्धित स्किमको इकाई किन्न वा बेच्न सक्ने सुविधा खुलामुखी म्युुचुुअल फण्डमा हुन्छ ।

यस्तोे फण्डमा अहिले प्रचलनमा रहेजस्तो इकाई निष्काशनको समय वा दोश्रो बजारबाट मात्र लगानी गर्नुपर्ने बाध्यता रहँदैन।

नेपालमा अहिलेसम्म खुलामुखी कोष सञ्चालनमा नआएपनि विश्वबजारमा भने अधिकांश खुलामुखी सामूहिक लगानी कोष सञ्चालनमा रहेको पाइन्छ।

खुलामुखी प्रकारका कोषले लगानीकर्ताको मागअनुसार जति पनि संख्यामा इकाइहरू जारी वा बिक्री गर्न सक्छ। त्यसरी संकलन गरेको सबै रकम कोष व्यवस्थापकले तुरुन्तै लगानी गर्ने भएकाले यस्ता कोषका इकाइ दोस्रो बजारमा प्रायजसो प्रतिइकाई खुद सम्पत्ति मूल्य –एनएभीमा) नै खरिद बिक्री हुनेगर्छ ।

हालसम्म नेपालमा बन्दमुखि प्रकृतिको १३ वटा म्युचुअल फण्ड सूचीकृत छन् । नबिल ब्यालेन्स फण्डले इकाई र सिटिजन्स म्युचुअल फण्ड २ सूचीकृत हुन बाँकी छ ।

धितोपत्र बोर्डले आर्थिक वर्ष २०७४/०७५ देखि खुलामुखी सामूहिक लगानी कोष योजना प्रवेश गराउने रणनीति अंगिकार गरेको थियो। सोही नीति अनुरुप एनआईबिएल एस क्यापिटललाई पहिलो खुलामुखी फण्ड सञ्चालन गर्ने अनुमति बोर्डले दिएको हो।

एनआईबिएल एस क्यापिटलले हाल दुई वटा बन्दमुखी प्रकृतिका कोष सञ्चालन गरिरहेकोमा पहिलो पटक खुलामुखी योजना सञ्चालनमा ल्याएको हो। एनआईबिएल सहभागिता फण्ड नै नेपालको पूँजी बजारमा पहिलो खुलामुखी (ओपन इन्डेड) प्रकृतिको म्युचुअल फण्ड हो।

नेपाल धितोपत्र बोर्डबाट एनआईबिएल एस क्यापिटलले बैशाख ९ गते सोमबार ५० करोडको लाई पाँच करोड इकाई जारी गर्न स्वीकृती पाएको थियो। जसमध्ये पहिलो चरणमा २० करोड रुपैयाँ बराबरको २ करोड इकाई निष्काशन गरेको हो ।


comments powered by Disqus

सनराइज बैंकले दुई हस्पिटललाई पीपीई वितरण गर्यो

Apr 07, 2020 03:36 PM

सनराइज बैंक (SRBL) ले भक्तपुर क्यान्सर अस्तपताल र तिलगंगा आखाँ अस्पतालका डाक्टर तथा नर्सका लागि आवश्यक व्यक्तिगत सुरक्षात्मक उपकरण पीपीइ वितरण गरेको छ। कोरोना भाइरस (कोभिड–१९) महामारी फैलिएको र नेपालमा पनि केहि मानिसमा देखिएको अवस्थामा बैंकले पीपीई वितरण गरेको हो।