पुर्नबीमा कम्पनीको लगानी योग्य रकम चार अर्ब, ६० प्रतिशत मुद्धति निक्षेपमा राख्ने

Jul 03, 2019 12:39 PM merolagani

नेपाल पुर्नबीमा कम्पनीसंग ४ अर्व रुपैयाँ भन्दा बढी लगानी योग्य रकम रहेको छ । बीमा समितिले जारी गरेको बीमकको लागि लगानी निर्देशिका २०७५ अनुसार चालु आर्थिक वर्षको तेस्रो त्रैमास सम्मको अपरिष्कृत तथ्यांक अनुसार सो बराबरको लगानी योग्य रकम देखिएको हो ।

निर्देशिका अनुसार पुर्नबीमा कम्पनीको बीमाङ्कीय मूल्यांकन प्रतिबेदनमा बीमालेख अन्र्तगत देखाएको दायित्व, खुद दाबी वापतको व्यवस्था र असमाप्त जोखिम वापतको रकमको योग नै टेक्निकल रिर्जभ फण्ड हो ।

चालु आर्थिक वर्षको तेस्रो त्रैमास सम्ममा कम्पनीको चालु दायित्व ९८ करोड ५६ लाख रुपैयाँ, असमाप्त जोखिमको वापतको व्यवस्था २ अर्ब ४५ करोड १६ लाख रुपैयाँ र भुक्तानी हुन बाँकी दाबी वापतको व्यवस्था ५८ करोड ७४ लाख रुपैयाँ गरी कुल ४ अर्ब २ करोड ४६ लाख रुपैयाँ लगानी योग्य रकम छ । यो चालु आर्थिक वर्षको तेस्रो त्रैसास सम्ममा अपरिष्कृत तथ्यांक हो ।

बीमकको लगानी निर्देशिका अनुसार नेपाल राष्ट्र बैंकवाट इजाजत प्राप्त ‘क’ वर्गको बैंकमा कुल टेक्निकल रिर्जभको ४० प्रतिशत र ‘ख’ वर्गको बैंकमा २० प्रतिशत सम्म मुद्धति निक्षेपमा लगानी गर्न सकिने व्यवस्था गरेको छ ।

त्यस अनुसार पुर्नबीमा कम्पनीले कोषमा रहेको लगानीयोग्य रकम मुद्धति निक्षेपमा लगानी गर्ने भएको छ । कम्पनीले बाणिज्य बैंक र विकास बैंकहरुको २ बर्षे मुद्धति निक्षपमा लगानी गर्ने भएको हो ।

त्यसको लागि कम्पनीले बैंकहरुलाई पूँजी कोष, निष्कृय कर्जा, सिडिसि रेसियो, तरलता अनुपात जस्ता वित्तिय सुचकहरु खुलाई तोकिएको ढाँचामा असार २४ गतेभित्र गोप्य शिबन्दी बोलपत्र आवेदन पेश गर्न आव्हान गरेको छ ।

बोलपत्र आवेदन पेश गर्दा प्रस्तावित ब्याजदरको मन्य अवधि न्युनतम १५ दिन हुनुपर्ने सूचनामा उल्लेख छ ।

बाणिज्य बैंकहरुको हकमा पूँजीकोष ८ अर्ब वा बढि हुनुपर्नेछ भने प्रतिशेयर किताबी मूल्य १२० प्रतिशत हुनुपर्नेछ । त्यस्तै विकाश बैंकहरुको हकमा पुँजीकोष न्युनतम ३ अर्ब र प्रतिशेयर किताबी मूल्य १२० प्रतिशत हुनुपर्ने कम्पनीले जनाएको छ ।

राष्ट्र बैंकले तोकेको अनुरुपको वित्तीय सूचांक नभएको बाणिज्य बैंक तथा विकास बैंकहरुलाई प्रतिस्पर्धामा सहभागि नगराइने कम्पनीले जनाएको छ ।

 


comments powered by Disqus

ब्राञ्चलेस बीमा सेवा सञ्चालन गर्ने बीमा समितिको तयारी, लघुबीमा प्राथमिकतामा

Dec 12, 2019 06:41 PM

बीमा समितिले शाखारहित घुम्ती बीमा सेवा सम्बन्धी मार्गदशर्न २०७६ जारी गर्ने तयारी गरेको छ। समितिले सर्वसाधारणमा सहज ढंगले न्यूनतम लागतमा घरदैलौमा नै बीमा सुविधा पुर्याउन मार्गदर्शन जारी गर्ने तयारी गरेको हो।