मुक्तिनाथ विकास बैंकले आफुले धितो राखेको शेयरको ६५ प्रतिशतसम्म कर्जा लिन सकिने शेयर धितो कर्जा सुविधा ल्याएको छ।
त्यस्तै मुक्तिनाथ विकास बैंकले ‘आधाको ब्याज, आधाको किस्ता, साथमा पाउनुहोस नगद फिर्ता ’ भन्ने मुल नाराका साथ आवास कर्जा सञ्चालनमा ल्याएको छ।
उक्त कर्जा आवासीय प्रयोजनका लागि घर निर्माण, मर्मत, तला थप गर्न, कम्पाउण्ड लगाउन, घर फर्निसिङ्ग गर्न वा सोही प्रयोजनका लागि घडेरी खरीद गर्नका लागि आवश्यकता अनुसारको आवास कर्जा प्रदान गर्नका लागि लिन सकिने बैंकले जनाएको छ।
मुक्तिनाथ विकास बैंकले हाल देशैभरी ११९ वटा शाखा, २५ वटा ए.टि.एम.का माध्यमबाट करिब सात लाख ग्राहकहरुलाई वित्तिय सेवा प्रदान गर्दै आइरहेको छ। बैंकले हालै मात्र क्यान्सर उपचार र दुर्घटना मृत्यु बीमामा आवद्ध गरी जीवन वरदान बचत खाता सञ्चालनमा ल्याएको छ।
बैंकिङ प्रणालीमा लगानी योग्य पूँजी (तरलता) सहज भएकाले शेयर धितोमा कर्जा बढाउन थालेका हुन्। ज्योति विकास बैंकले पनि बिहीबार विज्ञापन मार्फत एक दनमा नै ज्योति शेयर कर्जा प्रवाह गर्ने जनाएको छ । बैंकको उपत्यकाभित्र १५ शाखा र मोफसलमा बुटवल र नुवाकोटको बट्टारमा कर्जा उपलब्ध शुने बैंकले जनाएको छ । एक वर्ष अवधिको उक्त कर्जामा पनि ६५ प्रतिशतसम्म ऋण प्रवाह हुने जनाइएको छ।
