एनसीसी बैंकले बोनस अनुमोदनका लागि बोलायो साधारणसभा, मर्जरको अख्तियारी सञ्चालक समितिलाई

Aug 04, 2019 11:18 AM Merolagani

एनसीसी बैंक (NCCB) ले गत आर्थिक वर्षको कमाइबाट वितरण गर्न प्रस्ताव गरेको बोनस शेयर अनुमोदनका लागि एकैदिन बीसौं र एक्काइसौं वार्षिक साधारण सभा बोलाएको छ। बैंकले भदौ २३ गते राष्ट्रिय सभा गृहमा बिहान ११ बजे साधारण सभा बोलाएको हो।

साधारण सभामा बैंकले गत वर्षको कमाइबाट शेयरधनीहरुलाई चुक्ता पूँजीको १५.८९ प्रतिशतले हुन आउने १ अर्ब ११ करोड ५२ लाख रुपैयाँ बराबरको बोनस शेयर तथा बोनमा लाग्ने कर प्रयोजनको लागि ०.८३ प्रतिशत नगद लाभांश वितरण गर्ने प्रस्ताव लैजाने भएको छ।

त्यसैगरी साधारण सभाले अन्य उपयुक्त बैंक तथा वित्तीय संस्थासँग मर्जर तथा एक्विजिसनमा जान, सम्पति तथा दायित्व मुल्यांकनको लागि मुल्यांकनकर्ता नियुक्त गर्न, वैदेशिक रणनीतिक साझेदारीमा जान तथा मर्जर सम्बन्धि सम्पुर्ण प्रकृयाको लागि सञ्चालक समितिलाई अख्तियारी प्रदान गर्ने भएको छ।

बैंकको प्रबन्धपत्रको दफा ४ मा रहेको बैंकको उदेश्य प्राप्त गर्न धितोपत्र निक्षेप सम्बन्धि कार्य गर्ने र सहायक कम्पनी स्थापना गरी धितोपत्र दलाल व्यवसायीको कार्य र थप सार्वजनिक निष्काशन (एफपीओ) व्यवस्था थप गर्ने प्रस्ताव समेत गरेको छ।

साधारण सभाबाट बैंकले संस्थापक शेयरधनीहरुको तर्फबाट ३ जना र सर्बसाधारण शेयरधनीहरको तर्फबाट १ जना महिला सहित ३ जना गरी ६ जना सञ्चालकको निर्वाचन समेत गर्ने भएको छ। 

लाभांश वितरण र साधारण सभा प्रयोजनका लागि बैंकले साउन २६ गते बुकक्लोज गर्ने भएको छ। यस अनुसार साउन २३ गते बिहीबारसम्म कायम रहने लगानीकर्ताले मात्र  लाभांश पाउनेछन्।

हाल ७ अर्ब १ करोड ८५ लाख रुपैयाँ चुक्ता पुँजी रहेको बैंकको बोनस वितरणपछि चुक्ता पूँजी ८ अर्ब १३ करोड ३८ लाख रुपैयाँ पुग्नेछ।


comments powered by Disqus

'सरकारले सामाजिक सुरक्षा कोषमा रहेको पैसा श्रमीक र उद्योगकै रिजेनेरेट गर्न प्रयोग गर्नुपर्छ'

Apr 05, 2020 03:02 PM

सरकारले अहिले उद्योगधन्दाको विषयमा जुन काम गरेको त्यो पर्याप्त छैन। यसको असर कम्तिमा एक डेढ वर्षसम्म पर्छ। यो अहिले नै सकिने इम्प्याक्ट होइन। देशको एउटा मात्र उद्योगमा असर परेको हैन यो सबै उद्योगमा असर परेको हो। नेपालमा मात्र हैन अन्तराष्ट्रिय क्षेत्रमा समेत सानादेखि ठुला सबै उद्योगमा यसको असर परेको छ।