इन्स्योरेन्स कम्पनीको अध्यक्ष मनोहर दास मूलले बुधबार सम्पन्न १४ औं वार्षिक साधारण सभामा बोल्दै बीमा शुल्क १२ प्रतिशतले बृद्धि भएको जानकारी गराएको हो ।
उनले विगतका वर्षहरुमा नियमित लाभांश प्रदान गर्दै आएको भएपनि एनएफआरएस प्रणाली लागुभएपछि लाभांश वितरण गर्न नसकिएको बताए।
उनले भने, ‘बीमा समितिको निर्देशन अनुसार एक अर्ब चुक्ता पूंजी पु¥याउन कम्पनीलाई आवश्यक पर्ने १२ करोड रुपैयाँ साविककै ढांचामा वित्तीय विवरण तयार गरेपनि करिब १४ करोड ८० लाख बोनस बितरण गर्न सकिने रकम रहन्छ। तर यसपटक नयां ढांचा अनुसार अर्थात एनएफआरएस प्रणालीबाट वित्तीय विवरण तयार गर्दा लक्ष्य अनुसार बोनस वितरण गर्न नसकिएको हो ।’
बीमा समितिको निर्देशन अनुसार न्युनतम चुक्ता पूँजी एक अर्ब पुर्याउन बैशाख २५ गते सम्पन्न विशेष साधारण सभाको २० प्रतिशत हकप्रद शेयर जारी प्रस्ताव पारित गरिसकेको छ। संस्थापकतर्फको हकप्रद शेयरको रकम सबै संस्थापकहरुबाट अग्रिम रुपमा प्राप्त भई सकेको अध्यक्ष मूलले जानकारी दिए ।