साधारण सभामा सञ्चालक समितिको तर्फबाट अध्यक्ष श्रवण कुमार अग्रवालद्धारा प्रस्तुत आर्थिक वर्ष २०७४/७५ को वार्षिक प्रतिवेदन सर्वसम्मत पारित गरेको छ ।
यस भन्दा अघिको विशेष साधारण सभाले ६० प्रतिशत हकप्रद शेयर जारी गर्ने प्रस्ताव पारित गरीसकेको छ। हकप्रद शेयर जारी गरेपछि कम्पनीको चुक्ता पूँजी १ अर्ब २ करोड ६४ लाख ३२ हजार पुग्नेछ ।
कम्पनीले आर्थिक वर्ष २०७४/७५ मा १ अर्ब ३७ करोड १६ लाख ९४ हजार ७ सय ४० रुपैयाँ प्रिमियम संकलन गर्न सफल भएको अध्यक्ष अग्रवालले साधारण सभामा जानकारी गराए। यस्तै गत आर्थिक वर्षको अन्य सम्ममा कम्पनीले १६ करोड २२ लाख रुपैयाँ खुद मुनाफा कमाएको छ।
