सानिमा बैंकको शेयरमूल्य समायोजन

Sep 30, 2019 10:46 AM Merolagani

सानिमा बैंक (SANIMA) को  नेपाल स्टक एक्सचेञ्ज (नेप्से) मा असोज १३ गते सोमबार शेयरमूल्य समायोजन भएको छ। 

बैंकले गत आर्थिक वर्ष २०७५/०७६ को लाभांश वितरण गर्न सोमबार बुकक्लोज गरेसंगै नेप्सेले बैंकको शेयरमूल्य समायोजन गरी नयाँ शेयरमूल्य निर्धारण गरेको हो । 

नेप्सेले बैंकको शेयरमूल्य समायोजन गरी प्रतिकित्ता ३१५ रुपैयाँ कायम गरेको छ। यसअनुसार सोमबार समायोजित मूल्यलाई आधार मानेर बैंकको शेयर कारोबार खुल्नेछ ।

बैंकले गत आर्थिक वर्षको मुनाफाबाट १० प्रतिशत बोनस शेयर र बोनसमा लाग्ने कर सहित ११.०५२६ प्रतिशत नगद लाभांश गरी कूल २१.०५२६ प्रतिशत लाभांश वितरण गर्न असोज २९ गते पन्ध्रौ वार्षिक साधारण सभा आब्हान गरेको छ ।

लाभांश वितरण तथा साधारणसभा प्रयोजनको लागि बैंकले असोज १३ गते सोमबार १ दिनको लागि बुकक्लोज गरेको हो । असोज ज्ञ२ गतेसम्म कायम शेयरधनीहरुले मात्र बैंकले वितरण गर्ने लाभांश पाउनेछन्।

बोनस वितरणपश्चात बैंकको पूँजी बृद्धि हुने भएकाले सोही अनुसार आफ्नो प्रबन्धपत्र तथा नियमावलीमा संशोधन गर्ने प्रस्ताव समेत सभामा लैजादैँछ ।

हाल ८ अर्ब १२ लाख चुक्ता पूँजी रहेको बैंकको ८० करोड १ लाख रुपैयाँको बोनस वितरणपश्चात चुक्ता पूँजी ८ अर्ब ८० करोड १३ लाख रुपैयाँ पुग्नेछ।


comments powered by Disqus