हाल ८ अर्ब १२ लाख चुक्ता पूँजी रहेको बैंकको ८० करोड १ लाख रुपैयाँ बराबरको बोनस अनुमोदन पश्चात बैंकको चुक्ता पूँजी ८ अर्ब ८० करोड १३ लाख रुपैयाँ कायम भएको छ।
त्यसैगरी बैंकले कुनै बैंक तथा वित्तीय संस्थालाई आफुमा गाभ्ने तथा मर्जर प्रकृयाको लागि सहमति वा सम्झौता गर्न तथा मर्जर सम्बन्धि सम्पुर्ण प्रकृयाको लागि सञ्चालक समितिलाई अख्तियारी दिएको छ ।
यसैगरि बोनस वितरण पश्चात बैंकको पूँजी वृद्धि हुने भएकाले सभाले सोही अनुसार आफ्नो प्रबन्धपत्र तथा नियमावलीमा संशोधन गर्ने प्रस्ताव समेत पारित गरेको छ।
आर्थिक वर्ष २०७५/७६ मा २.२६ अर्ब खुद मुनाफा गरेको सानिमा बैंकको कुल सम्पत्ति १०९.०६ अर्ब, कुल निक्षेप ९२.२८ अर्ब तथा खुद कर्जा सापटी ८३ अर्ब ४४ करोड रहेको छ।
अघिल्लो आर्थिक वर्ष २०७४/७५ को तुलनामा खुद मुनाफा, निक्षेप, कर्जा सापटी र कुल सम्पत्तिमा क्रमश ३३.०२, १६.५४, २०.५०, र १८.७८ प्रतिशतले वृद्धि भएको बैंकले जनाएको छ।