तीन महिनामा साढे २८ अर्ब बीमा शुल्क संकलन, नेपाल लाइफ र शिखर इन्स्योरेन्सको अग्रता कायमै

Nov 05, 2019 05:43 PM Merolagani

नेपालको बीमा क्षेत्रमा जीवन बीमा तर्फ नेपाल लाइफ र निर्जीवन बीमातर्फ शिखर इन्स्योरेन्स सबैलाई उछिनेर लगातार अघि बढेका छन् । चालु आर्थिक वर्ष २०७६/७७ को पहिलो त्रैमासमा सम्ममा नेपाल लाइफ र शिखर इन्स्योरेन्स सबैभन्दा धेरै बीमा शुल्क संकलन गरेका छन्।

बीमा समितिको तथ्यांक अनुसार बीमा कम्पनीहरुबाट कूल २८ अर्ब ५० करोड रुपैयाँ कूल बीमा शुल्क संकलन भएको छ । जीवन बीमा ब्यवसायतर्फ जम्मा २१ अर्ब ५० करोड र निर्जीवन बीमा तर्फ ६ अर्ब ९८ करोड बीमा शुल्क संकलन भएको हो ।

जीवन बीमा अन्तगर्त नेपाल लाइफ एक्लैले ७ अर्ब ८९ करोड भन्दा बढी बीमा शुल्क आर्जन गरेको छ भने निर्जीवन तर्फ शिखर इन्स्योरेन्सले ९२ करोड १४ लाख रुपैयाँ बीमा शुल्क आर्जन गरी अग्रता कायमै राखेको छ ।

नेपाल लाइफको ३७ प्रतिशत योगदान
चालु आर्थिक वर्षको पहिलो त्रैमाससम्ममा जीवन बीमा कम्पनीहरुले २१ अर्ब ५० करोड रुपैयाँ बीमा शुल्क संकलन गरेका छन् । बीमा समितिको तथ्यांक अनुसार १९ जीवन बीमा कम्पनीहरुबाट सो बराबरको बीमा शुल्क संकलन गरिएकाे हाे ।

बीमा कम्पनीहरुले संकलन गरेको कुल बीमा शुल्कमा नेपाल लाइफको मात्रै ३६.७० प्रतिशत योगदान रहेको छ । नेपाल लाइफ एक्लैले चालु आर्थिक वर्षको पहिलो त्रैमास सम्ममा ७ अर्ब ८९ करोड रुपैयाँ बीमा संकलन गरेको हो ।

यस्तै एलआईसी नेपालले ४ अर्ब २० करोढ रुपैया कुल बीमा शुल्क आर्जन गरेको छ । नेशनल लाईफले १ अर्ब ८९ करोड, मेट लाइफले १ अर्ब २० करोड र राष्ट्रिय बीमा संस्थानले १ अर्ब १ करोड रुपैयाँ बीमा शुल्क आर्जन गर्न सफल भएको छ । बाँकी कम्पनीहरुले बीमा शुल्क अर्ब कटाउन सकेको छैनन् ।

नयाँ संचालनमा आएका युनियन लाइफले पुराना कम्पनीहरुलाई समेत उछिनेर ७९ करोड २६ लाख रुपैयाँ बीमा शुल्क संकलन गरेको छ । युनियन लाइफले प्राइम, सूर्या र गुराँस लाइफलाई बीमा शुल्क संकलनमा उछिनेको हो ।

सबै भन्दा कम महालक्ष्मी लाइफ इन्स्योरेन्सले १० करोड १५ लाख रुपैयाँ मात्रै बीमा शुल्क आर्जन गरेको छ ।

निर्जीवन तर्फ ७ अर्ब बीमा शुल्क संकलन

निर्जीवन बीमा कम्पनीहरुले चालु आर्थिक वर्षको पहिलो त्रैमास सम्ममा ६ अर्ब ९८ करोड रुपैयाँ कुल बीमा शुल्क संकलन गरेका छन् । हाल संचालनमा रहेका २० निर्जीवन बीमा कम्पनीहरु मध्ये राष्ट्रिय बीमा कम्पनी बाहेकबाट उक्त रकम बराबरको बीमा शुल्क संकलन गरिएको हो ।

बीमा समितिको तथ्यांक अनुसार सबै भन्दा धेरै शिखर इन्स्योरेन्सले ९२ करोड १४ लाख रुपैयाँ बीमा शुल्क आर्जन गरेको छ । यो कुल संकलन गरेको ६ अर्ब ९८ करोड रुपैयाँको १३.२० प्रतिशत हो ।

यस्तै सगरमाथाले ६७ करोड ५८ लाख, सिद्धार्थले ५९ करोड ३४ लाख, नेकोले ५६ करोड ३ लाख रुपैयाँ बीमा शुल्क संकलन गरेको बीमा समितिको तथ्यांक छ ।

नयाँ संचालनमा आएका अजोड इन्स्योरेन्सले २० करोड रुपैयाँ बीमा शुल्क कमाएकाे छ । यो पुरानो संचालनमा रहेका युनाइटेड इन्स्यारेन्सको भन्दा १ करोड ४६ लाख रुपैयाँले बढी हो ।

यस्तै जनरल इन्स्योरेन्सले १४ करोड ९ लाख रुपैयाँ बीमा शुल्क संकलन गर्दा सबै भन्दा कम सानिमा जनरल इन्स्यारेन्सले ८ करोड ९३ लाख रुपैयाँ आर्जन गरेको छ ।

 

 


comments powered by Disqus

लकडाउनको असरः दर्जनबढी कम्पनीको साधारणसभा रोकियो, हकप्रद र आइपीओ जारी गर्नै पाएनन्

May 31, 2020 07:12 PM

रविन पाैडेल

कोरोना भाइरसको असर न्यूनिकरणको लागि सरकारले गत चैत ११ गतेदेखि देश नै लकडाउन गरेको छ। लकडाउनको कारण अहिले आर्थिक गतिविधिहरु ठप्प भएका छन् भने पूँजी बजारमा पनि यसले ठूलो प्रभाव पारेको छ।