नयाँ ट्याक्सी दर्ता खोल्ने तयारी गर्दै सरकार

Nov 18, 2019 06:00 PM RSS

सरकारले नयाँ ट्याक्सी दर्ता खोल्ने तयारी गरेको छ । एक हजार २०० सीसी क्षमताको र त्योभन्दा बढीका ट्याक्सीको दर्ता गर्न अध्ययन भइरहेको हो ।

यात्रुलाई सुविधायुक्त सवारीसाधन आवश्यक भएको भन्दै नयाँ ट्याक्सी दर्ता खुलाउन लागिएको यातायात व्यवस्था विभागका महानिर्देशक गोगनबहादुर हमालले बताए ।

अहिले सडकमा रहेका ट्याक्सी पुराना रहेकाले त्यसलाई हटाउँदै नयाँ र सुविधायुक्त ट्याक्सी ल्याउनुपर्ने उनको भनाई छ । विभागका अनुसार सडकमा कस्ता र कति क्षमताका ट्याक्सी आवश्यक छ भनी अध्ययन भइरहेको छ । ट्याक्सीको दर्ता नियमितरूपमा खुलाउने भन्दा पनि केही समयका लागि खुलाइने उनले जानकारी गराए । उनले भने, “अहिले केही समयका लागि र सीमित संख्यामा खुलाइने भए पनि त्यसपछि फेरि बन्द हुन्छ ।”

सरकारले लामो समयदेखि ट्याक्सीको दर्ता बन्द गरेकामा भूकम्पीडितलाई राहत दिने भन्दै २०७२ भूकम्पीडित जिल्लावासीका लागि ट्याक्सीको दर्ता खुलाएको थियो । अहिले सडकमा रहेका ट्याक्सीमध्ये अधिकांश ८०० सीसी क्षमता बराबरका छन् । सिट पनि साँघुरो र कम क्षमताको हुँदा यात्रुलाई असहज रहेको विभागको भनाई छ ।


comments powered by Disqus

यसरी नै अर्थतन्त्र चलिरहने हाे भने विज्ञ अर्थमन्त्री किन चाहियाे? म जस्तै भए भइ हाल्याे नि

Jul 16, 2020 07:20 PM
  • रामकुमारी झाँक्री

कोरोना भाइरस (कोभिड १९) का कारण विकास निर्माणको काम पूरा गर्न सकेनौ भन्ने राम्रो बहाना मिलेको छ । दुई तिहाईको सरकारले यो अवसर दिएकोमा हामीलाई धेरै बधाई छ । एउटा सरकार पूरा अवधि चल्यो भने ५ वर्ष चल्छ ।