दुबै बैंकले गत आर्थिक वर्षको कमाईबाट लाभांश वितरण गर्न बुकक्लोज गरेसँगै नेप्सेले शेयरमूल्य समायोजन गरी नयाँ शेयरमूल्य निर्धारण गरेको हो।
नेप्सेले एसविआई बैंक (SBI) को शेयरमूल्य समायोजन गरी प्रतिकित्ता ३६१ रुपैयाँ ३२ पैसा कायम गरेको छ।
बैंकले गत आर्थिक वर्षको कमाइबाट ६ प्रतिशत बोनस शेयर तथा १०.८४ प्रतिशत नगद लाभांश गरि कूल १६.८४ प्रतिशत लाभांश वितरण गर्ने प्रस्ताव गरेको छ। सो लाभांश प्रस्ताव पारित गर्न बैंकले मंसिर २९ गते २६ औँ वार्षिक साधारण सभा आह्वान गरेको छ।
साधारण सभा प्रयोजनको लागि बैंकले मंसिर १३ गतेदेखि बुकक्लोज गरेको हो। हाल बैंकको चुक्ता पूँजी ८ अर्ब ४४ करोड ९२ लाख रहेको छ। बोनस वितरण पश्चात बैंकको चुक्ता पूँजी ८ अर्ब ९५ करोड ६२ लाख पुग्नेछ।
त्यसैगरी गरिमा विकास बैंक (GBBL) को शेयरमूल्य समायोजन गरी प्रतिकित्ता १९२ रुपैयाँ ८५ पैसा कायम गरेको छ । बैंकले गत आर्थिक वर्षको सञ्चित मुनाफाबाट हाल कायम चुक्ता पूँजी २ अर्ब ७८ करोड ८३ लाख रुपैयाँको १७ प्रतिशत लाभांश वितरण गर्ने घोषणा गरेको थियो। सोमध्ये १६.१५ प्रतिशत बोनस रहेको छ भने ०.८५ प्रतिशत नगद लाभांश रहेको छ।
मंसिर २७ गते आयोजना हुने बैंकको तेह्रौँ वार्षिक साधारण सभाले सो लाभांश प्रस्ताव पारित गर्नेछ। साधारण सभा प्रयोजनको लागि मंसिर १३ गतेदेखि बुकक्लोज गरेको हो। बोनस वितरण पछि बैंकको चुक्ता पूँजी ३ अर्ब २३ करोड ८६ लाख रुपैयाँ पुग्नेछ।
आइतबार दुबै बैंकको समायोजित मूल्यलाई आधार मानेर नेप्सेमा शेयर कारोबार खुल्नेछ।