अब नौं लघुवित्तको मात्र लाभांश घोषणा हुन बाँकी,४१ ले घोषणा गर्दा ७ ले सम्पन्न गरे साधारण सभा

Dec 02, 2019 04:01 PM Tirtha Raj Poudyal

नेपाल स्टक एक्सचेञ्जमा सूचीकृत कूल ५० वटा लघुवित्त कम्पनीहरुमध्ये सोमबार फरवार्ड कम्युनिटी लघुवित्तले लाभांश घोषणा गरेसँगै ४१ वटा कम्पनीले गत आवको मुनाफाबाट आफ्ना शेयरधनीलाई वितरण गर्ने लाभांश घोषणा गरिसकेका छन्।

सूचीकृत ५० कम्पनीमध्ये अब ९ लघुवित्त कम्पनीको मात्र गत आवको मुनाफाबाट लाभांश घोषणा हुन बाँकी रहेको छ।

यसरी लाभांश घोषणा गर्न बाँकी लघुवित्त कम्पनीहरुमा डिप्रोक्स लघुवित्त, वोमी, जनउत्थान सामुदायिक, महिला सहयात्रा लघुवित्त, नाडेप लघुवित्त, नेपाल सेवा, ग्रामीण विकास लघुवित्त, आँधिखोला लघुवित्त वित्तीय संस्था, घोडीघोडा लघुवित्त रहेका छन्। 

यीमध्ये ग्रामीण विकास लघुवित्त हालैमात्र सञ्चित नोक्सानी सकाएको कम्पनी रहेको र आँधिखोला लघुवित्त वित्तीय संस्था हालैमात्र आईपीओ निष्काशन गरेकाले शेयरधनीले लाभांश पाउँछन् कि पाउँदैनन् यसै भन्न सकिने अवस्था छैन। घोडीघोडाको भने जगेडा कोष ऋणात्मक रहेकाले लाभांश वितरण गर्नसक्ने अवस्था छैन।

अन्य लघुवित्तहरु डिप्रोक्स लघुवित्त, वोमी, जनउत्थान सामुदायिक, महिला सहयात्रा लघुवित्त, नाडेप लघुवित्त, नेपाल सेवा गरि ६ वटाले अघिल्लो आवमा लाभांश वितरण गरेका कम्पनी हुन्।

हालसम्म घोषणा भएका ४१ लघुवित्तमध्ये नेशनल माइक्रोफाइनान्सले सबैभन्दा धेरै ८० प्रतिशत वितरण गरेको छ भने गणपतिले सबैभन्दा कम ७.३६ प्रतिशत वितरण गरेको छ । यस अवधिमा सात लघुवित्तले साधारण सभा समेत सम्पन्न गरिसकेका छन् भने ३४ को बाँकी छ। लघुवित्तको औसत लाभांशदर २५.८८ प्रतिशत रहेको छ।

हालसम्म घोषणा भएका ४१ लघुवित्तमध्ये नेशनल माइक्रोफाइनान्सलेृ सबैभन्दा धेरै ८० प्रतिशत वितरण गरेको छ भने गणपतिले सबैभन्दा कम ७.३६ प्रतिशत वितरण गरेको छ । यस अवधिमा सात लघुवित्तले साधारण सभा समेत सम्पन्न गरिसकेका छन् भने ३४ को बाँकी छ। लघुवित्तको औसत लाभांशदर २५.८८ प्रतिशत रहेको छ।

लाभांश घोषणा गरेका लघुवित्त कम्पनीमध्ये मंसिर १६ गते सोमबार मात्रै सम्पन्न गरेको स्वेदेशी लघुवित्त सहित ७ वटाले सम्पन्न गरेका छन्। यसरी साधारण सभा सकाउने लघुवित्तमा फस्ट माइक्रोफाइनान्स, आशा लघुवित्त, मेरो माइक्रोफाइनान्स, ग्लोबल आईएमई लघुवित्त, आरएसडिसी लघुवित्त, गुँरास लघुवित्त र स्वदेशी लघुवित्त रहेको छ।


comments powered by Disqus

सरकारले पूँजी बजारमा थप उत्पादनमूलक उद्याेग ल्याउन सकेन , सूचीकृत भएका पनि भागे

Dec 05, 2019 05:44 PM

-सुधा देवकोटा।
बजेटमा घोषणा गरेर पनि सरकारले पूँजी बजारमा थप उत्पादनमुलक उद्योगलाइ प्रवेश गराउन सकेको छैन। सरकारले कर छुटको सुविधा दिने बताएपनि   कम्पनी रजिष्ट्रारमा दर्ता भएका उत्पादनमूलक कम्पनीले सर्वसाधारणमा आउन चासो देखाएका छैनन्। बरु यसअघि सूचीकृत भएका कतिपय उत्पादनमुलक कम्पनी धेरै पहिला नै भागिसकेका छन् ।