सभाले चौतारी र आरम्भ १ बराबर १ शेयर आदानप्रदान अनुपातमा मर्ज हुने, मर्जर पश्चात आरम्भ चौतारी लघुवित्त वित्तीय संस्था लिमिटेडको नामबाट एकीकृत कारोबार सुरु गर्ने, एकीकृत लघुवित्तको शेयर स्वामित्व संस्थापकको ६३.६६ र सर्वसाधारणको ३६.३४ प्रतिशत कायम गर्ने र कार्यक्षेत्र वृद्धि गरी राष्ट्रिय स्तरको बन्ने लगायतका प्रस्तावहरु पारित गर्नेछ।
यसका साथै लघुवित्तको सञ्चालक समितिले प्रस्ताव गरेको गत आर्थिक वर्षसम्मको सञ्चित मुनाफाबाट हाल कायम चुक्ता पूँजीको ७.३८ प्रतिशत बोनस शेयर र सोको कर प्रयोजनको लागि ०.४२ प्रतिशत नगद लाभंश वितरण गर्ने प्रस्ताव पनि पारित गर्नेछ।
हाल लघुवित्तको चुक्ता पूँजी ६ करोड रहेको छ। बोनस शेयर वितरणपश्चात लघुवित्तको चुक्ता पूँजी ६ करोड ४४ लाख पुग्नेछ।
साधारण सभा प्रयोजनको लागि लघुवित्तले मंसिर २९ गतेदेखि पुस ९ गतेसम्म बुक क्लोज गर्ने भएको छ। लघुवित्तको शेयर रजिष्ट्रार एनआईसी एशिया क्यापिटल लिमिटेड रहेको छ।
चालु आर्थिक वर्षको प्रथम त्रैमासम्ममा लघुवित्तले ३२ लाख २६ हजार खुद नाफा आर्जन गरेको थियो। सो अवधिसम्ममा लघुवित्तको प्रतिशेयर आम्दानी २१ रुपैयाँ ५० पैसा, प्रतिशेयर नेटवर्थ ११९ रुपैयाँ ७७ पैसा र मूल्य आम्दानी अनुपात २४.६० गुणा कायम भएको थियो।
