भाद्र १० गते भोटेकोशी नदीमा आएको बाढीका कारण रसुवा, नुवाकोट, धादिङ तथा गोरखा जिल्लाका पर्यटकीय सम्पदा र भौतिक सम्पत्तिमा गम्भीर क्षति पुगेको छ। साथै उक्त घटनामा सयौँको संख्यामा विदेशी पर्यटक र सहयोगी टोलीका सदस्यहरूले ज्यान गुमाउनुपरेको यथार्थलाई ध्यानमा राख्दै टानको कार्यसमितिले असोज ८ गतेका सम्पूर्ण कार्यक्रमहरू स्थगित गर्ने निर्णय गरेको हो।
टानका महासचिव सोनाम ग्याल्जेन शेर्पाका अनुसार संघको विधानमा व्यवस्था भएबमोजिम आर्थिक वर्ष समाप्त भएको ६ महिनाभित्र अर्थात् आगामी मंसिर वा पुस महिनाको पहिलो हप्ताभित्रै वार्षिक साधारण सभा आयोजना गरिनेछ। नयाँ मिति, स्थान र एजेन्डाबारे सम्पूर्ण सदस्यहरूलाई पछि जानकारी गराइनेछ। यससम्बन्धी औपचारिक जानकारी जिल्ला प्रशासन कार्यालय काठमाडौँलाई समेत दिइसकिएको छ।
