मंसिर २१ गते शनिबार डुम्रे, तनहुँमा सम्पन्न भएको उक्त सभाले बोनस अनुमोदन गरेसँगै लघुवित्तको चुक्ता पूँजी १६ करोड ५० लाखबाट १८ करोड ६४ लाख ५० हजार पुगेको छ।
यस्तै सभाले बोनस शेयर जारी पश्चात् कायम पूँजीको १ः१ को अनुपातमा हकप्रद शेयर जारी गर्ने समेत निर्णय गरेको छ। यस्तै सभाले नेपाल राष्ट्र बैंकबाट इजाजतपत्रप्राप्त अन्य “घ” वर्गका कुनै एक वा एक भन्दा बढी वित्तीय संस्थाहरु एक आपसमा गाभ्न गाभिन वा प्राप्ती गर्ने सम्बन्धी विशेष प्रस्ताव समेत पारित गरेको छ।
साथै उक्त सभामा सर्वसाधारण समुहको तर्फबाट २ जना सञ्चालकहरुः श्याम प्रसाद श्रेष्ठ र गोपाल जोशी निर्विरोध निर्वाचित भएका छन्।
२०७४ आषाढ ३० गतेबाट तनहुँ जिल्लाको डुम्रे शाखाबाट लघुवित्त कारोबार शुरु गरेको यस संस्थाले २७ जिल्लाहरुमा ५१ शाखा कार्यालयहरु मार्फत् ३५ हजारग्राहक सदस्यहरुलाई प्रत्यक्ष सेवा पु¥याएको छ।
त्यस्तै गरी संस्थाले १ अर्ब ७९ करोड कर्जालगानीगरेको छ भने आफ्ना ग्राहक सदस्यहरुबाट ५२ करोड रुपैयाँ भन्दा बढी बचत संकलन पनि गरेको जनाएको छ।
