बैंकले उक्त याेजना संचालन गरेकाे मंसिरमा एक वर्ष पूरा भएकाे छ । यस अवधिमा ८६ बचतकर्तालाई साे बराबरकाे रकम भुक्तानी गरेकाे हाे ।
यस योजना अन्तर्गत बैंकले दैनिक मौज्दात २५ हजार रुपैयाँ वा वढी राख्ने १६ देखि ६४ वर्ष उमेरका व्यक्तिगत बचतखातावालालाई १३ वटा घातक रोगहरुको उपचारार्थ ३ लाख रुपैयाँको बीमा गरेको छ । उक्त १३ वटा मध्ये कुनै पनि घातक रोग लागेमा आवश्यक प्रमाण पूरा भएपछि भुक्तानी हुने बैंकले जनाएको छ । यस्तै बचतकर्ताको मृत्यु भएमा ७५ हजार रुपैयाँ बराबरको रकम समेत उपलब्ध हुनेछ ।
बैंकले घातक रोगहरुको प्रभाव बढ्दो रहेको जनाउँदै त्यसको उपचारार्थ अत्याधिक व्ययभार हुने कुरालाई ध्यानमा राख्दै यस्तो योजना ल्याएको जनाएको छ । यस्तो घातक रोगलागेको अवस्थामा उपचारको क्रममानै केहि आर्थिक सहयोग समयमै पुर्याउने उदेश्यले बचतकर्ताको सुरक्षण सहित योजना ल्याएको बैंकले जनाएको छ ।