अमेरिका र चीनका बीच पहिलो चरणको व्यापार सम्झौतामा हस्ताक्षर हुने भनिएको एक दिन पहिले चीनले उक्त व्यापार आँकडा सार्वजनिक गरेको हो । उक्त सम्झौतामा हस्ताक्षर भएसँगै दुई देशका बीच झण्डै दुई वर्षदेखि जारी व्यापार युद्धले निम्त्याएको तनावको अवस्था कम हुने अपेक्षा गरिएको छ ।
अमेरिका र चीनले एक अर्काको अरबौँ डलर बराबरको सामानमा एकपछि अर्काे शुल्क वृद्धि गरेसँगै दुई देशका बीचको व्यापार युद्धले उग्र रुप लिदैँ गएको थियो ।
सन् २०१९ मा अमेरिकासँग चीनले २ खर्ब ९५ अर्ब डलर बराबरको व्यापार गरेको छ । अमेरिकासँग चीनको व्यापार गत वर्षको तुलनामा ८.५ प्रतिशतले घटेको हो । गत वर्ष ३ खर्ब २३ अर्ब डलर बराबरको व्यापार भएको थियो ।
चीनले २ वर्षको अवधिमा २ खर्ब डलर बराबरको अतिरिक्त अमेरिकी वस्तु किन्ने बताइएको छ । अमेरिका र चीनबीच भएको पहिलो चरणको व्यापार सम्झौताअन्तर्गत चीनले सो परिणाममा अमेरिकी वस्तु खरीद गर्ने अमेरिकाले बताएको हो । चीनले किन्ने बस्तुमा विशेषगरी कृषि उपज ४० देखि ५० अर्ब डलरको हुने बताइएको छ । एजेन्सी
