दुई फाइनान्स कम्पनीको लाभांश सुरक्षित गर्ने आज अन्तिम दिन

Feb 10, 2020 12:13 PM Merolagani

दुई कम्पनीको लाभांश सुरक्षित गर्ने आज (माघ २७ गते, सोमबार) अन्तिम दिन हो। सेन्ट्रल फाइनान्स र रिलायन्स फाइनान्सको नगद लाभांश सुरक्षित गर्ने सोमबार अन्तिम दिन हो। 

सेन्ट्रल फाइनान्स (CFCL)को २३ औं वार्षिक साधारण सभा र रिलायन्स फाइनान्सको १० औं वार्षिक साधारण सभा प्रयोजनार्थ माघ २८ गते मंगलबार बुकक्लोज गर्ने भएका छन्।

जस अनुसार आज सोमबार शेयर खरिद गर्ने लगानीकर्ताले मात्र यी दुबै फाइनान्सको लाभांश प्राप्त गर्नसक्ने छन्। साधारण सभाबाट सेन्ट्रल फाइनान्सले ७ प्रतिशत नगद लाभांश र रिलायन्स फाइनान्सले ६.५८ प्रतिशत नगद लाभांस पारित गराउने भएका छन्।

सेन्ट्रल फाइनान्सले फागुन १६ गते नेपाल प्रशासनिक प्रशिक्षण प्रतिष्ठान, जावलाखेलमा दिनको ११ बजे सभा बोलाएको हो। सभामा फाइनान्सले गत आर्थिक वर्षको मुनाफाबाट ७ प्रतिशतले हुन आउने ५ करोड ७६ लाख रुपैयाँ बराबरको नगद लाभांश वितरण गर्ने प्रस्ताव लैजाने भएको छ।

त्यसैगरी, रिलायन्स फाइनान्स (RLFL) ले फागुन १६ गते, बानेश्वर बैंक्वेट, थापागाँउमा साधारण सभा बोलाएको छ। सभामा फाइनान्सले गत आर्थिक वर्षको मुनाफाबाट करसहित ६.५८ प्रतिशत अर्थात ५ करोड ४७ लाख ६४ हजार २१४ रुपैयाँ नगद लाभांश वितरण गर्ने प्रस्ताव लैजाँदैछ।

फाइनान्सले सभामा अन्य बैंक तथा वित्तीय संस्था एक आपसमा गाभ्न तथा गाभिन गर्नुपर्ने सम्पुर्ण कार्यको लागि सञ्चालक समितिलाई अख्तियारी प्रदान गर्ने लगाएतका प्रस्तावहरु अनुमोदन गर्ने भएको छ।


comments powered by Disqus

सनराइज बैंकले दुई हस्पिटललाई पीपीई वितरण गर्यो

Apr 07, 2020 03:36 PM

सनराइज बैंक (SRBL) ले भक्तपुर क्यान्सर अस्तपताल र तिलगंगा आखाँ अस्पतालका डाक्टर तथा नर्सका लागि आवश्यक व्यक्तिगत सुरक्षात्मक उपकरण पीपीइ वितरण गरेको छ। कोरोना भाइरस (कोभिड–१९) महामारी फैलिएको र नेपालमा पनि केहि मानिसमा देखिएको अवस्थामा बैंकले पीपीई वितरण गरेको हो।