सो अवधिसम्ममा बैंकले २ अर्ब ४ करोड १८ लाख रुपैयाँ खुद नाफा आर्जन गरेको छ। यो गत आर्थिक वर्षको सोही अवधिको तुलनामा १३ करोड ५० लाख रुपैयाँ कम हो। गत आर्थिक वर्षको सोही अवधिसम्ममा बैंकले २ अर्ब १७ करोड ६८ लाख रुपैयाँ खुद नाफा कमाएको थियो।
खुद ब्याज आम्दानी र सञ्चालन मुनाफा घटेपछि बैंकको खुद नाफा घट्न पुगेको हो।
समीक्षा अवधिमा बैंकको खुद ब्याज आम्दानी १५ करोड ९६ लाख रुपैयाँ घटेर ३ अर्ब ४५ करोड १६ लाख रुपैयाँमा सीमित भएको छ। ब्याज आम्दानीको तुलनामा ब्याज खर्च बढेपछि बैंकको खुद ब्याज आम्दानी घट्न पुगेको हो। समीक्षा अवधिमा बैंकको ब्याज आम्दानी ११.१३ प्रतिशत बढेको छ भने ब्याज खर्च २६.२६ प्रतिशत बढेको छ। त्यसैगरी, बैंकको सञ्चालन मुनाफा समीक्षा अवधिमा १७ करोड ४३ लाख रुपैयाँ घटेर २ अर्ब ९० करोड ९३ लाख रुपैयाँमा सीमित भएको छ।
१ खर्ब ६४ अर्ब ३२ करोड रुपैयाँ निक्षेप सङ्कलन गरी १ खर्ब ४१ अर्ब ३९ करोड कर्जा परिचालन गरेको यस बैंकले पुस मसान्तसम्ममा ८ अर्ब १४ करोड रुपैयाँ ब्याज आम्दानी गरी ४ अर्ब ६८ करोड रुपैयाँ ब्याज खर्च गरेको छ। बैंकको निष्क्रिय कर्जा सो अवधिसम्ममा ०.६२ प्रतिशतबाट बढेर ०.७५ प्रतिशत पुगेको छ।
१० अर्ब ९ करोड ७४ लाख रुपैयाँ चुक्ता पूँजी रहेको यस बैंकको जगेडा कोषमा ११ अर्ब ६७ करोड ६ लाख रुपैयाँ सञ्चित छ। त्यसैगरी, बैंकको शेयरधनी कोषमा २ अर्ब १३ करोड ४ लाख रपैयाँ र शेयर प्रिमियममा ७४ हजार रुपैयाँ रहेको छ।
गत आर्थिक वर्षको पुस मसान्तसम्ममा ५४ रुपैयाँ २८ पैसा रहेको बैंकको प्रतिशेयर आम्दानी चालु आर्थिक वर्षको सोही अवधिसम्ममा ८ रुपैयाँ ९६ पैसा घटेर ४५ रुपैयाँ ३२ पैसामा झरेको छ। खुद नाफा घटेका कारण बैंकको प्रतिशेयर आम्दानी घट्न पुगेको हो। बैंकको मूल्य आम्दानी अनुपात १६.१० गुणा रहेको छ।
पुस मसान्तसम्ममा बैंकको वितरण योग्य मुनाफा १ अर्ब ४५ करोड ९१ लाख रुपैयाँ रहेको छ। सो अवधिसम्ममा बैंकको कोषको लागत ६.०२ प्रतिशत, आधार दर ८.१० प्रतिशत र स्प्रेड दर ४.९९ प्रतिशत कायम रहेको छ।
