गत आर्थिक वर्षको यसै अवधिसम्ममा कम्पनी १ करोड ४९ लाख रुपैयाँ नाफामा रहेको थियो। चालु आर्थिक वर्षको पहिलो त्रैमासमा नै कम्पनीले १ करोड ४६ लाख रुपैयाँ नोक्सानी व्यहोरेको थियो।
यस कम्पनी अन्तर्गत रसुवा जिल्लाको गोसाईकुण्ड गाँउपालिकामा निर्माणधिन १११ मेगावाट क्षमताको भौतिक प्रगति ७५ प्रतिशत रहेको छ।
गत आवको पुस मसान्तसम्ममा ३ करोड २४ लाख रुपैयाँ ब्याज आम्दानी गरेको यस कम्पनीले चालु आर्थिक वर्षको सोही अवधिसम्ममा ७३ लाख रुपैयाँ यस्तो आम्दानी गरेको छ। कम्पनीको सञ्चालन मुनाफा २ करोड ६३ लाख रुपैयाँ ऋणात्मक रहेको छ।
६ अर्ब १५ करोड ७८ लाख रुपैयाँ चुक्ता पूँजी रहेको यस जलविद्युत कम्पनीको शेयरधनी कोष १४ करोड ९७ लाख रुपैयाँ ऋणात्मक रहेको छ। कम्पनीले नोक्सानी व्यहोरेसँगै प्रतिशेयर आम्दानी पनि ऋणात्मक रहेको छ। पुस महिनाको अन्तिम कारोबार दिन १७४ रुपैयाँमा कारोबार भएको यस कम्पनीको प्रतिशेयर आम्दानी ६८ पैसा ऋणात्मक रहेको छ। कम्पनीको प्रतिशेयर नेटवर्थ ९७ रुपैयाँ ५७ पैसा कायम भएको छ।
रसुवागढी जलविद्युत आयोजनाको निर्माण अवधिको ब्याज बाहेकको शुरु लागत १३ अर्ब ६८ करोड ४२ लाख हुने गरी निर्माण कार्य शुरु गरिएको थियो। तर, विदेशी विनिमय दरमा परिवर्तन, बन्द हड्ताल तथा प्राकृतिक विपत्तीका कारण आयोजनाको निर्माण गति तथा लागत प्रभावित भएको कम्पनीले जनाएको छ। कम्पनीले २०७७ असार मसान्तसम्ममा विद्युत उत्पादन गर्ने लक्ष्य लिएको छ।