नेप्से सूचक १ हजार ४०० विन्दुमा, काराेबार रकम २ अर्ब माथि

Feb 18, 2020 03:41 PM merolagani

साताको तेस्रो कारोबार दिन मंगलबार पनि शेयर बजारमा २ अर्ब रुपैयाँभन्दा धेरैको शेयर कारोबार भएको छ। अघिल्लो दिन ३४ अंकले बढेर हालसम्मकै दोस्रो सर्वाधिक रकमको कारोबार भएकोमा मंगलबार पनि कारोबार रकम २ अर्ब माथि पुगेको हो। 

यस दिन १८१ वटा कम्पनीको ५४ लाख ६८ हजार कित्ता शेयर २ अर्ब १२ करोड रुपैयाँमा खरिद बिक्री भएको छ भने नेप्से सूचक १.७७ अंकले बढेर १४००.०१ विन्दुमा कायम रहेको छ।

यस दिन कारोबारमा आएका १२ वटा उप समूहमध्ये पाँचवटा उपुसमुहका सूचक सकारात्मक देखिए भने बाँकी ८ वटा उप समूहको सूचक नकारात्मक देखिएका छन्।

मंगलबार एनआइसी एशिया बैंकको सबैभन्दा धेरै १० करोड ६५ लाख रुपैयाँ बराबरको शेयर कारोबार भएको छ भने एनएमबि बैंकको ९ करोड ५९ लाख, हिमालयन डिस्टीलरीको ९ करोड १४ लाख, शिवम सिमेन्ट्सको ७ करोड ५६ लाख र नेपाल लाइफइन्स्योरेन्सको ६ करोड ९५ लाख रुपैयाँ बराबरको शेयर कारोबार भएको छ।

यस दिन कालिका माइक्रोफाइनान्सको शेयरमूल्य सबैभन्दा धेरै ९.८७ प्रतिशतले बढेको छ भने, घलेम्दी हाइड्रोको ९.५२ प्रतिशतले बढेको छ। माउन्टेन हाइड्रोको ४.३० प्रतिशतले बढेको छ भने राष्ट्रिय वीमा कम्पनीको ४.२४ प्रतिशतले बढेको छ।

यता लक्ष्मी लघुवित्तको शेयरमूल्य सबैभन्दा धेरै ५.६८ प्रतिशतले घटेको छ भने पाँचथर पावर कम्पनीको ४.५१ प्रतिशत, सेन्ट्रल फाइनान्सको ३.८४ प्रतिशत र गुहेश्वरी मर्चेण्ट बैंक एण्ड फामइनान्सको ३.६७ प्रतिशतले घटेको छ।

यस दिन कारोबारमा आएका कम्पनीहरुमध्य ९८ वटा कम्पनीको शेयरमूल्य घटेको छ भने ४६ वटा कम्पनीको शेयरमूल्य बढ्को छ। त्यस्तै १८ वटा कम्पनकिो शेयरमूल्यमा भने कुनै परिवर्तन भएन।


comments powered by Disqus

कोरोना भाइरसबाट अमेरिका सबैभन्दा धेरै प्रभावित, २४ घण्टामा १४८० को मृत्यु, ३२ हजारभन्दा धेरै संक्रमित

Apr 04, 2020 02:35 PM

कोरोना भाइरसको त्रास पूरै दुनियाँमा रहेको छ । विश्वको सबैभन्दा शक्तिशाली देश अमेरिकालाई पनि यसले घुँडा टेक्न बाध्य बनाएको छ । अमेरिकाको स्थिति झन् बिग्रदै गएको छ ।