एनएमबि बैकले चेपे खोला जलविद्युत आयोजनामा १ अर्ब १२ करोड रुपैयाँ लगानी गर्ने

Feb 21, 2020 11:01 AM merolagani



एनएमबि बैक लिमिटेडले आशुतोष इनर्जी प्रा. लि.द्घारा प्रवर्धित लमजुङकाे चेपे खोला साना जलविद्युत आयोजनामा १ अर्ब १२ करोड रुपैयाँ लगानी गर्ने भएको छ।

लमजुङको दुधपोखरी गाउँपालिका तथा गोरखा जिल्लाको अजिरकोट गाउँपालिकामा रहेको ८.६३ मेगावाटको उक्त जलविद्युत आयोजनामा फागुन ८ गते बिहीबार बैंकले ऋण लगानी गर्ने सम्झौता गरेको हो। यससँगै एनएमबि बैकको कुल ४० वटा जलविद्युत आयोजनाहरुमा लगानी गरेको छ।

जलविद्युत आयोजनाको कुल लागत एक अर्व ५० करोड रुपैयाँ अनुमान गरिएकोमा बैंकले एक अर्ब १२ करोड ५० लाख रुपैयाँ लगानी गर्न लागेको हो।

चेपे खोला साना जलविद्युत आयोजनामा जलविद्युत क्षेत्रका अनुभवी प्रवर्धकहरू तथा स्थानीय बासिन्दाहरुको लगानीमा निर्माण हुँदैछ । व्यापारिक उत्पादन शुरु गर्नुपर्ने मिति २०७८ फाल्गुण ९ गते भएतापनि कम्पनीले ४ महिना अगावै व्यापारिक उत्पादन शुरु गर्ने लक्ष्य राखेको छ ।

विद्युत गृहबाट उत्पादित विद्युत लमजुङ्ग जिल्लामा अवस्थित किर्तीपुर सब स्टेशनमा जडान गरिनेछ ।

 




भारत जाने विमानमा फेरि सर्प

Jun 30, 2025 12:48 PM

मुम्बईका भारतीय भन्सार अधिकारीहरूले थाइल्यान्डबाट आएका एक विमान यात्रुलाई जीवित सर्पहरूसहित साथ रोकेको बताएका छन् । यो महिनाको तेस्रो यस्तो जफत हो ।