गुडविल फाइनान्सको ऋणपत्र बाँडफाँड, कसले कति पाए?

Mar 23, 2020 11:25 AM Merolagani

गुडविल फाइनान्स (GFCL) ले चैत ९ गते ऋणपत्र बाँडफाँड गरेको छ। फाइनान्सले गत फागुन २८ गतेदेखि चैत २ गतेसम्म निष्काशन तथा बिक्री गरेको ऋणपत्र बाँडफाँड गरेको हो।

फाइनान्सले वार्षिक १२ प्रतिशत ब्याजदरमा प्रतिऋणपत्र १ हजार अंकित मूल्यका कूल २ लाख ५० हजार कित्ता ऋणपत्र निष्काशन गरेको थियो। २५ कित्तादेखि ४४० कित्तासम्म माग गरि आवेदन दिने लगानीकर्तालाई माग बमोजिम नै बाँडफाँड गरिएको फाइनान्सले जनाएको छ। त्यसैगरी, ४९९ कित्तादेखि ५ हजार कित्तासम्म माग गर्नेहरुलाई ४९५ कित्ताका दरले र बाँकी रहेको ११० कित्ता ऋणपत्र ४९९ कित्तादेखि ५०० कित्तासम्म माग गर्ने लगानीकर्तालाई एउटै समूहमा राखी गोलाप्रथाद्वारा बाँडफाँड गरिएको छ।

व्यक्तिगत तवरमा आवेदन माग बमोजिम समानुपातिक रुपमा बाँडफाँड गरिएको फाइनान्सको धितोपत्र निष्काशत तथा बिक्री प्रबन्धक एनआईबिएल क्यापिटलले जनाएको छ।

परिपत्र विधिमार्फत आवेदन दिनेको हकमा आंशिक बाँडफाँडमा नपरेको डिबेन्चर बापतको बाँकी रकम आज (चैत १० गते) देखि आईपीएसमार्फत सिधै रकमान्तर गरिने एनआईबिएल एस क्यापिटलले जनाएको छ।


comments powered by Disqus

कामना सेवा विकास बैंकको डिवेञ्चर प्रत्याभूतीकर्तामा नागरिक लगानी कोष

Nov 30, 2020 06:32 PM

कामना सेवा विकास बैंकको (KSBBL) एक हजार रुपैयाँ अंकित दरका दश लाख कित्ताको ऋणपत्र प्रत्याभुतीकर्ताको रुपमा नागरिक लगानी कोष नियुक्त भएको छ । डिवेञ्चर प्रत्याभूतीकर्ता सम्झौता–पत्रमा कामना सेवा विकास बैंकको तर्फबाट प्रमुख कार्यकारी अधिकृत प्रविण बस्नेत र नागरिक लगानी कोषको तर्फबाट कार्यकारी निर्देशक रमण नेपालले हस्ताक्षर गरेका हुन् ।