समितिको तथ्यांक अनुसार सबैभन्दा धेरै शिखर इन्स्योरेन्सले २ अर्ब ३२ करोड रुपैयाँ कुल बीमाशुल्क आर्जन गरेको छ। यो निर्जीवन बीमा कम्पनीहरुबाट संकलन भएको कुल बीमाशुल्कको १२.९८ प्रतिशत हो।
यस्तै, सगरमाथाले १ अर्ब ६० करोड, नेकोले १ अर्ब ४९ करोड, सिद्धार्थ इन्स्योरेन्सले १ अर्ब ३८ करोड, एनएलजीले १ अर्ब २२ करोड र प्रिमियरले १ अर्ब २३ करोड रुपैयाँ कुल बीमाशुल्क संकलन गरेको बीमा समितिको तथ्यांक छ। बाँकी कुनैपनि बीमा कम्पनीको कुल बीमाशुल्क अर्ब माथि संकलन गर्न सकेको छैन्।
यस्तै, प्रभु इन्स्योरेन्सले ९८ करोड, आईएमई जनरलले ९२ करोड, लुम्बिनी जनरल ८२ करोड, हिमालयन जनरलले ७८ करोड, प्रुडेन्सियल इन्स्योरेन्सले ७७ करोड, ओरियण्टलले ७६ करोड, नेपाल इन्स्योरेन्सले ७१ करोड, एभरेष्ट इन्स्योरेन्सले ६५ करोड र नेशनल इन्स्योरेन्सले ५७ करोड रुपैयाँ कुल बीमाशुल्क आर्जन गर्न सफल भएको छ।
नयाँ संचालनमा आएका अजोड इन्स्योरेन्सले ५६ करोड रुपैयाँ कुल बीमाशुल्क आर्जन गरेको छ। यो पुरानो संचालनमा रहेका युनाइटेड इन्स्यारेन्सको भन्दा ८ करोड रुपैयाँ बढी हो। युनाईटेड इन्स्योरेन्सले ४८ करोड रुपैयाँ मात्रै कुल बीमाशुल्क आर्जन गरेको छ।
यस्तै, जनरल इन्स्योरेन्सले ३९ करोड रुपैयाँ बीमाशुल्क संकलन गर्दा सबैभन्दा कम सानिमा जनरल इन्स्यारेन्सले २५ करोड रुपैयाँ मात्रै बीमाशुल्क आर्जन गरेको छ।