नेपालमा कोरोना भाइरसको संक्रमित संख्या ९ पुगेको छ । त्यस मध्ये एक जना ठीक भएर फर्किसकेका छन् । बाँकी आठ जना मध्ये धनगढीमा ४, बागलुङमा २ र टेकु अस्पतालमा २ जना उपचार भइरहेको प्रवक्ता देवकोटाले जानकारी गराए । उनले डब्ल्युएचओको मापदण्ड अनुसार गर्नुपर्ने कन्ट्याक्ट ट्रेसिङको काम सम्पन्न भइसकेको बताए ।
यस्तै कोरोना भाइरसको लक्षण देखिएकाहरु काठमाडौं उपत्यकामा १२ र उपत्यका बाहिर १ सय २२ जना गरी १ सय ३४ जना आइसोलेसनमा रहेको उनले जानकारी गराए । प्रवक्ता देवकोटाका अनुसार देशभर ८ हजार ५ सय ८० क्वारेन्टाइनमा रहेका छन् ।
