कोरोना संक्रमितका सम्पर्कमा रहेको सबैको कन्ट्याक्ट ट्रेसिङ सकियोः स्वास्थ्य मन्त्रालय

Apr 08, 2020 05:24 PM Merolagani

स्वास्थ्य तथा जनसंख्या मन्त्रालयले कोरोना भाइरस (कोभिड १९) बाट संक्रमित ८ जनाको सम्पर्कमा रहेका सबैको कन्ट्याक्ट ट्रेसिङ गर्ने काम पुरा भएको जनाएको छ । मिडिया ब्रिफिङमा प्रवक्ता डा. विकास देवकोटाले कोरोना संक्रमित सबैको आफन्त तथा नातेदारहरुको कन्ट्याक्ट ट्रेसिङ सकिएको बताएका हुन् ।

नेपालमा कोरोना भाइरसको संक्रमित संख्या ९ पुगेको छ । त्यस मध्ये एक जना ठीक भएर फर्किसकेका छन् । बाँकी आठ जना मध्ये धनगढीमा ४, बागलुङमा २ र टेकु अस्पतालमा २ जना उपचार भइरहेको प्रवक्ता देवकोटाले जानकारी गराए । उनले डब्ल्युएचओको मापदण्ड अनुसार गर्नुपर्ने कन्ट्याक्ट ट्रेसिङको काम सम्पन्न भइसकेको बताए ।

यस्तै कोरोना भाइरसको लक्षण देखिएकाहरु काठमाडौं उपत्यकामा १२ र उपत्यका बाहिर १ सय २२ जना गरी १ सय ३४ जना आइसोलेसनमा रहेको उनले जानकारी गराए । प्रवक्ता देवकोटाका अनुसार देशभर ८ हजार ५ सय ८० क्वारेन्टाइनमा रहेका छन् ।


comments powered by Disqus

अझै तीन दिन बदलीसँगै वर्षाको सम्भावना

May 29, 2020 11:42 AM

पश्चिमी वायु र स्थानीय वायुको प्रभावले अझै तीन दिन देशभर बदलीसँगै वर्षाको सम्भावना रहेको छ। हाल नेपालमा पश्चिमी वायुको आंशिक प्रभाव रहनुका साथै नेपालको पूर्वी भूभाग नजिक बनेको निम्न चापीय रेखा र स्थानीय वायुको प्रभावले बदलीसँगै मेघगर्जन, हावाहुरी चट्याङसहित वर्षा भइरहेको मौसम पूर्वानुमान महाशाखाले जनाएको छ। आज काठमाडौँ उपत्यकामा बिहानै वर्षा भएको थियो।