सो अवधिसम्ममा कम्पनीले ८९ करोड ५९ लाख रुपैयाँ खुद नाफा आर्जन गरेको छ। यो गत आवको सोही अवधिको तुलनामा १४ करोड ५० लाख रुपैयाँ बढी हो। गत आवको सोही अवधिसम्ममा कम्पनीले ७५ करोड ८ लाख रुपैयाँ खुद नाफा कमाएको थियो।
विद्युत बिक्री तथा अन्य आम्दानी बढेसँगै कम्पनीको नाफामा सुधार भएको हो।
चैत मसान्तसम्ममा कम्पनीले विद्युत बिक्रीबाट ५५ करोड ७७ लाख रुपैयाँ आम्दानी गरेको थियो। गत वर्षको यसै अवधिसम्ममा कम्पनीको यस्तो आम्दानी ५२ करोड ९७ लाख रुपैयाँ रहेको थियो। समीक्षा अवधिमा कम्पनीको अन्य आम्दानी १४ करोड ६७ लाख रुपैयाँ बढेर ७५ करोड ५५ हजार पुगेको छ।
२ अर्ब ६८ करोड ३८ लाख रुपैयाँ चुक्ता पूँजी रहेको यस कम्पनीको त्रैमासिक प्रतिशेयर आम्दानी ३३ रुपैयाँ ३८ पैसा रहेको छ भने वार्षिक प्रतिशेयर आम्दानी ४४ रुपैयाँ ५० पैसा रहेको छ। यो गत आवको सोही अवधिको तुलनामा ३ रुपैयाँ ४८ पैसा बढी हो। कम्पनीको प्रतिशेयर नेटवर्थ २६८ रुपैयाँ ३४ पैसा रहेको छ भने मूल्य आम्दानी अनुपात ७.४१ गुणा रहेको छ। यद्यपि, कम्पनीले वित्तीय विवरणमा वार्षिक मूल्य आम्दानी अनुपात ९.८९ गुणा रहेको उल्लेख गरेको छ।
