गुराँस लाइफ इन्स्योरेन्सको खुद बीमाशुल्कसंगै नाफा पनि बढ्यो

May 13, 2020 01:08 PM Merolagani

गुराँस लाइफ इन्स्योरेन्स (GLICL) ले चालु आर्थिक वर्षको तेस्रो त्रैमाससम्ममा एक अर्ब ३५ करोड ५१ लाख रुपैयाँ खुद बीमाशुल्क आर्जन गरेको छ। यो गत आर्थिक वर्षको यहि अवधिको तुलनामा २३ करोड ५० लाख रुपैयाँ बढी हो।

गत वर्षको तेस्रा त्रैमाससम्ममा इन्स्योरेन्सले एक अर्ब १२ करोड १ लाख रुपैयाँ खुद बीमाशुल्क आर्जन गरेको थियो।

सो अवधिसम्ममा इन्स्योरेन्सले लगानी, कर्जा तथा अन्यबाट ४६ करोड ४७ लाख रुपैयाँ, बीमालेख धितो कर्जाबाट ३ करोड ५२ लाख रुपैयाँ आम्दानी गरेको छ।

समीक्षा अवधीमा इन्स्योरेन्सको खुद नाफा ८ करोड ३७ लाख ६० हजार रुपैयाँ पुगेको छ। यो गत आर्थिक वर्षको यहि अवधिको तुलनामा २ करोड ७१ लाख रुपैयाँ बढी हो। गत वर्षको तेस्रो त्रैमाससम्ममा इन्स्योरेन्सले ५ करोड ६५ लाख रुपैयाँ खुद नाफा आर्जन गरेको थियो।

चुक्ता पूँजी ९३ करोड ८५ लाख रुपैयाँ रहेको इन्स्योरेन्सको जगेडा कोषमा ३६ करोड ६३ लाख, जीवनबीमा कोषमा ७ अर्ब १० करोड ४४ लाख र महाविपत्ती कोषमा ४ करोड ४२ लाख रुपैयाँ संचित छ।

हालसम्म इन्स्योरेन्सले ९ अर्ब १७ करोड २५ लाख रुपैयाँ कुल बीमाशुल्क आर्जन गरेको छ। इन्स्योरेन्सले ७ हजार १११ दाबी बापत २४ करोड ७८ लाख रुपैयाँ भुक्तानी गरेको छ भने १७ दाबी बापत ३९ लाख १० हजार रुपैयाँ भुक्तानी गर्न बाँकी छ।

इन्स्योरेन्सको वार्षिक प्रतिशेयर आम्दानी ११ रुपैयाँ ९० पैसा, प्रतिशेयर नेटवर्थ १४३ रुपैयाँ ७५ पैसा र मूल्य आम्दानी अनुपात ३३.८७ गुणा छ।


comments powered by Disqus

१९१ यात्रु बोकेको विमान केरलाको कालीकट विमानस्थलको रनवेमा चिप्लिँदा दुई टुक्रा, पाइलटसहित दुई जनाको मृत्यु

Aug 07, 2020 10:33 PM

दुबइबाट १९१ यात्रु बोकेर उडेको एयर इण्डिया एक्सप्रेसको विमान रनवेमा चिप्लिएर दुई टुक्रा हुँदा पाइलटसहित दुईजनाको मृत्यु भएको छ । उक्त विमान शुक्रबार ७ बजे केरलाको कालीकट विमानस्थलमा ल्यान्ड गर्ने क्रममा चिप्लिएको हो ।