डेढ अर्बभन्दा बढीको आईपिओ निष्काशन गरेको नेपाल पूनर्बीमा कम्पनीले पस्कियो यस्तो वित्तीय विवरण

May 14, 2020 08:18 AM Merolagani



लकडाउन अघिमात्रै डेढ अर्बभन्दा बढीको आईपिओ निष्काशन तथा बाँडफाँट गरेको नेपाल पूनर्बीमा कम्पनी (NRICL) ले चालु आर्थिक वर्षको दोस्रो त्रैमासिक वित्तीय विवरण प्रकाशित गरेको छ।

विवरण अनुसार कम्पनीले चालु आवको पुस मसान्तसम्ममा जीवन व्यवसायबाट ६ करोड २ लाख रुपैयाँ खुद नाफा कमाएको छ भने निर्जीवन व्यवसायबाट ५६ करोड ३२ लाख रुपैयाँ खुद नाफा कमाएको छ। कम्पनीले गत आर्थिक वर्षको यसै अवधिसम्ममा जीवन व्यवसायबाट ५ करोड ६७ लाख रुपैयाँ र निर्जीवन व्यवसायबाट ५० करोड १२ लाख रुपैयाँ नाफा कमाएको थियो।

सो अवधिसम्ममा कम्पनीले निर्जीवन व्यवसायबाट २ अर्ब ८१ करोड रुपैयाँ र जीवन व्यवसायबाट १९ करोड ९८ लाख रुपैयाँ खुद बीमाशुल्क संकलन गरेको छ। गत आवको यसै अवधिसम्ममा कम्पनीले निर्जीवन व्यवसायबाट २ अर्ब ७९ करोड र जीवन व्यवसायबाट १९ लाख ८६ हजार रुपैयाँ खुद बीमाशुल्क संकलन गरेको थियो।

८ अर्ब ४० करोड रुपैयाँ चुक्ता पूँजी रहेको यस कम्पनीको निर्जीवन व्यवसायतर्फको जगेडा कोषमा २ अर्ब ५ करोड रुपैयाँ, बीमाकोषमा १ अर्ब ४७ करोड रुपैयाँ सञ्चित छ। जीवन व्यवसायतर्फको जगेडा कोषमा भने ४८ करोड ४६ लाख रुपैयाँ सञ्चित छ।




लघुवित्तको १५ प्रतिशतभन्दा बढी लाभांश दिने व्यवस्था पुनरावलोकन हुँदा यी लघुवित्तमा आउन सक्छ बहार

Jul 15, 2025 06:43 AM

नेपाल राष्ट्र बैंकले आगामी आवको लागि जारी गरेको मौद्रिक नीतिमा लघुवित्तले वार्षिक १५ प्रतिशतभन्दा बढी लाभांश वितरण गर्न नपाउने सम्बन्धी व्यवस्था पुनरावलोकन गर्ने उल्लेख गरेको छ ।