लघुवित्तले आर्थिक वर्ष २०७५÷७६ सम्मको सञ्चित मुनाफाबाट हाल कायम चुक्ता पूँजीको १० प्रतिशत बोनस शेयर वितरण गर्न लागेको हो। यसका साथै लघुवित्तले बोनस शेयरमा लाग्ने कर प्रयोजनको लागि १९ लाख ३६ हजार ८४२ रुपैयाँ नगद लाभांश पनि वितरण गर्नेछ।
लघुवित्तको असार ११ गते बसेको सञ्चालक समितिको ११८ औँ बैठकले सो निर्णय गरेको हो।
हाल लघुवित्तको चुक्ता पूँजी ३६ करोड ८० लाख रुपैयाँ रहेको छ। १० प्रतिशतले हुन आउने रकम ३ करोड ६८ लाख रुपैयाँ बराबरको बोनस शेयर वितरण पश्चात लघुवित्तको चुक्ता पूँजी ४० करोड ४८ लाख रुपैयाँ पुग्नेछ।
