जलस्रोत तथा सिंचाई विकास डिभिजनका प्रमुख ९ लाख घुससहित पक्राउ

Jul 14, 2020 08:55 PM Merolagani

जलस्रोत तथा सिंचाई विकास डिभिजन कार्यालय दिक्तेल, खोटाङका डिभिजन प्रमुख नारायण काजी श्रेष्ठ ९ लाख घुस रकमसहित पक्राउ परेका छन्।

निर्माणाधिन सिंचाई परियोजनाको बिल भुक्तानीका लागि सेवाग्राहीसँग घुस माग गरिरहेको भन्ने सूचनाको आधारमा अख्तियार दुरुपयोग अनुसन्धान आयोग टंगालबाट खटिएको टोलीले डिभिजन प्रमुख श्रेष्ठलाई सेवाग्राहीबाट ९ लाख ३४ हजार घुसलिएको अवस्थामा पक्राउ गरेको हो।

श्रेष्ठलाई जिल्ला खोटाङ, दिक्तेल रुपाकोट मझुवागढी न.पा. १ स्थित वेसक्याम्प भित्र रहेको निजकै निवासबाट उक्त घुस रकमसहित रंगेहात नियन्त्रणमा लिई अनुसन्धान भइरहेको छ आयोगले जनाएको छ।


comments powered by Disqus

१९१ यात्रु बोकेको विमान केरलाको कालीकट विमानस्थलको रनवेमा चिप्लिँदा दुई टुक्रा, पाइलटसहित दुई जनाको मृत्यु

Aug 07, 2020 10:33 PM

दुबइबाट १९१ यात्रु बोकेर उडेको एयर इण्डिया एक्सप्रेसको विमान रनवेमा चिप्लिएर दुई टुक्रा हुँदा पाइलटसहित दुईजनाको मृत्यु भएको छ । उक्त विमान शुक्रबार ७ बजे केरलाको कालीकट विमानस्थलमा ल्यान्ड गर्ने क्रममा चिप्लिएको हो ।