रिलायबल नेपाल लाइफले आईपीओ निष्काशन गर्ने

Jul 27, 2020 11:15 AM Merolagani

रिलायबल नेपाल लाइफ इन्स्योरेन्सले सर्वसाधारणलाई प्राथमिक शेयर (आईपीओ) निष्काशन गर्न भएको छ। कम्पनीको आइतबार सम्पन्न दोश्रो वार्षिक साधारण सभाले आईपीओ निष्काशन गर्ने प्रस्ताव पारित गरेको हो।

साधारण सभाले आईपीओ जारी गर्न कम्पनीले प्रबन्धपत्र र नियमावलीका सम्बद्ध दफाहरु संशाेधन गर्ने विशेष प्रस्ताव पारित गरेको छ।

यस्तै, लेखापरीक्षक नियुक्ति र पारिश्रमिक निर्धारण, लेखापरीक्षकको प्रतिवेदन सहितको आर्थिक वर्ष २०७४/७५ को वासलात, नाफा नोक्सान हिसाब र सोहि अवधिको नगद प्रवाह विवरण लगायतका वित्तिय विवरणहरू समेत साधारण सभाले पारित गरेको छ।

यसैगरी, सञ्चालक नियुक्तिको अनुमोदन गर्ने, सञ्चालकहरुको स्वदेश तथा विदेश भ्रमण भत्ता खर्च तोक्ने सम्वन्धमा समेत साधारण सभाले निर्णय गरेको छ।

कम्पनीले हालसम्म १७ प्रकारका बीमा योजनाहरु सञ्चालनमा ल्याएको छ। कम्पनी गत आर्थिक वर्षमा कुल एक अर्ब ६० करोड रुपैयाँ कुल बीमाशुल्क आर्जन गरेको थियाे।

१० हजार पर्ने शेयर तालिम अब मात्र २५०० मा

 


comments powered by Disqus

कारोबार भइरहेको कम्पनी बन्द हुँदा लगानीकर्तामा मनाैबैज्ञानिक असर,यसरी बन्द हुन्छ कम्पनी

Aug 06, 2020 06:52 PM
  • सुधा देवकाेटा

केही दिन पहिले दोस्रो बजारमा कारोबार भइरहेको श्रीराम सुगर मिलले सञ्चालनमा आउन नसक्ने भन्दै कम्पनी बन्द गर्ने निर्णय बजारमा आएसँगै यसले चर्चा पाएको छ । दोस्रो बजारमा लगानी गर्ने लगानीकर्ता आफूले लगानी गर्ने कम्पनी बन्द भएको खण्डमा के होला भन्ने प्रश्नकाे उत्तर खाेज्न थालेका छन् ।