निधन हुने पर्साको पोखरिया,९ बस्ने १८ वर्षकी युवती रहेकी छिन् । उनी साउन १९ गते झाडापखालाका भएका कारण नेशनल मेडिकल कलेज,वरिगञ्ज उपचारकालागि लैजादै गर्दा बाटोमा नै निधन भएको हो । ती युवतीको नारायणी अस्पतालको प्रयोगशालामा भएको परीक्षणमा कोरोना पुष्टि भएको हो ।
यसैगरी स्वास्थ्य तथा जनसंख्या मन्त्रालयका अनुसार मृत्यु हुने अर्का व्यक्ति वरिगञ्ज,५ निवासी ४६ वर्षिय पुरुष रहेका छन् । मधुमेहका बिरामी उनलाई ज्वरो तथा खोकीको समस्या भएका कारण अस्थायी कोभिड अस्पताल भर्ना गरिएको थियो । उनको साउन १९ गते कोरोना पुष्टि भएसँगै साउन २० गते आइसोलेसनमा उपचार सुरु गरिएको थियो । उपचारकै क्रममा ती पुरुषको साउन २१ गते विहान ६ बजे मृत्यु भएको हो ।