कोरोना भाइरसको गलत जानकारी दिएको आरोपमा ट्वीटरले ट्रम्पको क्याम्पेन एकाउण्ट ब्लक गरेको हो। उक्त एकाउण्टबाट एउटा भिडियो पोष्ट गरिएको थियो, जसमा ट्रम्पले बच्चाहरुमा कोभिड–१९ का विरुद्ध मजबुत इम्यून सिस्टम रहेको बताएका छन्।
ट्वीटरले यसलाई कम्पनीको पोलिसीको विरुद्ध भएको बताएको छ। यद्यपी, ट्रम्पले पनि उक्त भिडियोको लिंक ट्वीट गरेका छन्, तर ट्वीटरले उनको एकाउण्टमा भने कुनै प्रकारको एक्सन लिएको छैन।
योभन्दा पहिले फेसबुकले पनि ट्रम्पले कोभिड–१९ काे विषयमा गलत जानकारी दिएको भन्दै उनको पोष्ट हटाएको थियो। एजेन्सी
