सहाराले ९ लाख कित्ताभन्दा बढी संस्थापक शेयर लिलाम बिक्री गर्ने

Aug 07, 2020 07:08 AM Merolagani

सहारा विकास बैंक लिमिटेड (SHBL) ले ९ लाख कित्ताभन्दा बढी संस्थापक शेयर लिलाम बढाबढ गरी बिक्री गर्ने भएको छ। बैंकले संस्थापक समूहको ९ लाख २१ हजार १४८.७० कित्ता शेयर बोलकबोल प्रक्रियाबाट बिक्री गर्न लागेको हो।

बैंकले २०७५ जेठ ६ गतेदेखि असार २४ गतेसम्म बिक्री खुला गरी आवेदन माग गरिएकोमा आवेदन नपरेको शेयर लिलाम बिक्री गर्न लागेको हो। सो शेयर खरिदका लागि इच्छुक लगानीकर्ताले साउन ३० गतेदेखि भदौ ८ गतेसम्म शिलबन्दी बोलपत्र पेश गर्नु पर्नेछ।

शेयरको न्यूनतम मूल्य १०० रुपैयाँ तोकिएको छ। लगानीकर्ताले सो वा सोभन्दा बढी मूल्य अंकित गरि बोलकबोल गर्नुपर्नेछ। शेयर खरिदका लागि लगानीकर्ताले न्यूनतम १ हजार कित्ताको लागि आवेदन दिनु पर्नेछ भने अधिकतम शेयर संख्यामा कुनै हद नलाग्ने बैंकले जनाएको छ।

बैंकको शेयर बिक्री प्रबन्धक एनआईबिएल एस क्यापिटल लिमिटेड रहेको छ। लगानीकर्ताले एनआईबिएल एस क्यापिटल लिमिटेडका सम्पूर्ण शाखा कार्यालय, नेपाल इन्भेष्टमेन्ट बैंकका नारायणगढ, हेटौँडा, बिर्तामोड, जनकपुर, तुल्सीपुर, सुर्खेत, नेपालगन्ज र धनगढी शाखा कार्यालय, सहारा विकास बैंकका शाखा कार्यालय र ग्रीन डेभलपमेन्ट बैंकको बागलुङबाट आवेदन दिन सक्नेछन्।


comments powered by Disqus

ऋणकाे अवधारणा परिवर्तन गर्ने पुस्तक "गुड डेब्ट, ब्याड डेब्ट" काे सारांश- भाग ६

Sep 30, 2020 08:52 PM

गत साता हामीले जन ह्यान्सनद्वारा लिखित ‘गुड डेब्ट, ब्याड डेब्ट’ पुस्तकको सारांशको पाँचाै भाग प्रस्तुत गरेका थियौँ। आज हामी सोही पुस्तकको छैठाैँ भाग लिएर उपस्थित भएका छौँ।