अभिनेता अमिताभ बच्चनका छोरा अभिषेकले शनिबार दिउँसोको नतिजामा कोरोना नेगेटिभ पाइएको उल्लेख गरेका छन् । यसकासाथै उनले मुंबईस्थित नानावति अस्पतालका चिकित्सक तथा नर्सहरुलाई धन्यवाद दिएका छन् । अभिषेकले बच्चन परिवारको स्वास्थ्यलाभकालागि प्रार्थना गर्ने सबैमा आभार पनि व्यक्त गरेका छन् ।
बच्चन परिवारका चार सदस्यमा कोरोना पुष्टि भएको थियो जसमध्ये ऐश्वर्य राय र छोरी आराध्याय बच्चन सबैभन्दा पहिले कोरोना मुक्त भएका थिए । त्यसपछि अभिनेता अमिताभ बच्चन गत साता मात्र कोरोना निको भई अस्पतालबाट डिस्चार्ज भए । अभिषेक भने नानावति अस्पतालमा नै उपचाररत रहेका थिए । अभिषेककी आमा अभिनेत्री जया बच्चनमा भने कोरोना पाइएको थिएन ।
