यस दिन १९१ वटा कम्पनीको ५७ लाख २३ हजार ५६३ कित्ता शेयर १ अर्ब ८० करोड रुपैयाँमा खरिद बिक्री भएको छ। अघिल्लो दिन सोमबार ३ अर्ब २१ करोड रुपैयाँ बराबरको शेयर कारोबार भएकोमा मंगलबार कारोबार रकम १ अर्ब ४१ करोड रुपैयाँले घटेको हो।
- पाँच कम्पनीका सकारात्मक सर्किट
मंगलबार कारोबारमा आएकामध्ये पाँचवटा कम्पनीको शेयरमा सकारात्मक सर्किट लागेको छ।
यस दिन दिब्यश्वरी हाइड्रोपावरको शेयरमूल्य सबैभन्दा धेरै १० प्रतिशतले बढेको छ भने एनआरएन लघुवित्तको ९.९२ प्रतिशत, रिलायन्स लाइफको ९.८६ प्रतिशत, खानिखोला हाइड्रोपावरको ९.८४ प्रतिशत र घलेम्दी हाइड्रोपावरको ९.५९ प्रतिशतले बढेको छ।
त्यस्तै, माउन्टेन हाइड्रोको शेयरमूल्य सबैभन्दा धेरै ४.८५ प्रतिशतले घटेको छ भने राधी विद्युतको ४.०२ प्रतिशत, गोर्खाज फाइनान्सको ३.८८ प्रतिशत र हाइड्रोइलेक्टिसिटि एण्ड डेभलपमेन्ट कम्पनकिो ३.८२ प्रतिशतले घटेको छ।
मंगलबार अधिकाँश उपसमूहको सूचक नकारात्मक देखिएको छ। कारोबारमा आएका १२ वटा उपसमूहमध्ये तीन उपसमूहको सूचक सकारात्मक देखिएका छन् भने बाँकी ९ वटा उपसमूहको सूचक नकारात्मक देखिएका छन्।
यस दिन नेपाल पुनर्बीमा कम्पनीको सबैभन्दा धेरै ११ करोड २१ लख रुपैयाँ बराबरको शेयर कारोबार भएको छ। त्यसैगरी, नेको इन्स्योरेन्सको ६ करोड ५० लाख, नेपाल लाइफ इन्स्योरेन्सको ६ करोड ४१ लख, नेपाल बैंकंकको ५ करोड ९३ लाख रुपैयाँ र शिखर इन्स्योरेन्सको ५ करोडड ६८ लाख रुपैयाँ बराबरको शेयर कारोबार भएको छ।