उक्त तथ्यांकमा विभिन्न देशमा राहत प्याकेजस्वरुप दिइएको इनकम सपोर्टलाई शामिल गरिएको छैन, अन्तर्राष्ट्रिय श्रम संगठन (आईएलओ) ले भनेको छ ।
आईएलओले श्रमको दुनियाँमा कोरोना भाइरस महामारीको असरलाई लिएर आफ्नो पछिल्लो अनुमानमा भनेको छ, महामारीका कारण कामको समयमा भारी नोक्सान भएका कारण पूरै विश्वमा श्रमिकहरुको आम्दानीमा भारी गिरावट आएको छ ।
आईएलओका अनुसार, यसको सबैभन्दा अधिक असर निम्न–मध्य आय भएका देशहरुमा देखिएको छ, जहाँ श्रमिकहरुको आम्दानीमा १५.१ प्रतिशतको गिरावट आएको छ । क्षेत्रका हिसाबले सबैभन्दा खराब असर अमेरिकी देशहरुमा परेको छ, जहाँ श्रमिकहरुको आम्दानी १२.१ प्रतिशतले घटेको छ ।
ग्लोबल वर्किङ टाइम लस पहिलेको अनुमानभन्दा कयौँ अधिक
विश्वभरमा कामको घण्टामा जति कमी आएको छ, त्यो पहिलेको अनुमानभन्दा अधिक रहेको बताइएको छ । डिसेम्बर त्रैमासको तुलनामा यस वर्षको जून त्रैमासमा ग्लोबल वर्किङ टाइमको नोक्सानको संशोधित अनुमान १७.३ प्रतिशत रहेको छ, जुन ४९ करोड ५० लाख पूर्ण रोजगारी बराबर रहेको छ । सेप्टेम्बर त्रैमासमा वर्किङ टाइम लस १२.१ प्रतिशत रहने अनुमान रहेको छ, जुन ३४ करोड ५० लाख पूर्ण रोजगारी बराबर रहेको छ ।
९४ प्रतिशत कामदार रहेको देशमा कुनै न कुनै प्रकारको प्रतिबन्ध
आईएलओका अनुसार, ९४ प्रतिशत कामदार यस्ता यस्ता देशमा रहेका छन्, जहाँ कार्यस्थलमा कुनै न कुनै प्रकारको प्रतिबन्ध लागेको छ । ३२ प्रतिशत कामदार यस्तो देशमा छन्, जहाँ अत्यावश्यक गतिविधि बाहेक सबै कारोबारजन्य गतिविधिहरुमाथि रोक लगाइएको छ ।
आईएलओका महानिर्देशक गाय राइडरका अनुसार, विकासशील देशमा कामदारहरुको कामको घण्टामा १५ प्रतिशतभन्दा अधिक गिरावट आएको छ । एजेन्सी
