आज थपिएका संक्रमितमध्ये काठमाडौं उपत्यकाका एक हजार ९३५ जना रहेका छन् । संक्रमितमध्ये काठमाडौंका एक हजार ६९३, ललितपुरका १०८ र भक्तपुरका १३४ जना हुन् ।
यसैगरी पछिल्लो २४ घण्टामा कोरोना निको भई डिस्चार्ज हुनेको संख्या तीन हजार ५६४ जना रहेको छ । हालसम्म देशभरमा कुल ८४ हजार ५१८ जना कोरोना मुक्त भइसकेका छन् ।
गत २४ घण्टामा १६ हजार ५९८ पीसीआर परीक्षण भएको छ । यसरी अहिलेसम्म देशभरमा १२ लाख ३७ हजार ६३६ परीक्षण भइसकेको छ ।
हाल चार हजार ८२५ जना क्वारेन्टिनमा छन् भने संस्थागत आइसोलेसनमा १२ हजार ३३९ जना र होम आइसोलेसनमा २४ हजार १९४ जना रहेका छन् ।
