गत आवको सोही अवधिमा हाइड्रोपावरले एक करोड ४ लाख रुपैयाँ खुद नाफा आर्जन गरेको थियो ।
विद्युत विक्रीको आम्दानी घट्नुका साथै अन्य स्रोत मार्फतको आम्दानी पनि घटेकाले हाइड्रोपावरको नाफामा गिरावट देखिएको हो ।
यस अवधिमा हाइड्रोपावरले विद्युत विक्री मार्फत् एक करोड ६८ लाख रुपैयाँ आम्दानी गरेको छ । हाइड्रोपावरको यो आम्दानी गत आवको सोही अवधिको तुलनामा ४९ लाख ७८ हजार रुपैयाँ अर्थात् २२.७७ प्रतिशत कम हो ।
यसैगरी हाइड्रोपावरले अन्य स्रोत मार्फत् ५०९ रुपैयाँ मात्र आम्दानी गरेको छ । गत आवको सोही अवधिमा कम्पनीले अन्य स्रोत मार्फत् एक लाख २७ हजार रुपैयाँ आम्दानी गरेको थियो ।
चुक्ता पूँजी २८ करोड ३५ लाख रुपैयाँ रहेको हाइड्रोपावरको जगेडा कोषमा एक करोड ९८ लाख रुपैयाँ सञ्चित छ ।
प्रतिशेयर आम्दानी ६ रुपैयाँ २२ पैसा रहेको हाइड्रोपावरको प्रतिशेयर नेटवर्थ १०६ रुपैयाँ ९९ पैसा र मूल्य आम्दानी अनुपात २३.७९ गुणा छ ।
