आज थपिएका संक्रमितमध्ये काठमाडौं उपत्यकाका ८२२ जना छन् । काठमाडौंका ५९९ जना, भक्तपुरका ६३ जना र ललितपुरका १६० गरी सो संख्या पुगेको हो ।
एक दिनमा कोभिड १९ बाट २३ जनाले ज्यान गुमाएका छन् । यसरी देशभरमा कुल एक हजार ४३५ जना संक्रमितले ज्यान गुमाइसकेका छन् ।
गत २४ घण्टामा कोरोना संक्रमण मुक्त हुनेहरु एक हजार २३६ जना छन् भने हालसम्म कुल दुई लाख ९ हजार ४३५ जनाले कोरोना संक्रमण जितिसकेका छन् । हाल देशमा ६०१ जना क्वारेन्टिनमा छन् ।पछिल्लो २४ घण्टामा देशभरमा १० हजार ४६० पीसीआर परीक्षण भएको छ । योसँगै परीक्षणको संख्या कुल १७ लाख १० हजार ४६० पुगेको छ ।