लि सन् २०१४ देखि सामसुङ्ग इलेक्ट्रोनिक्सका प्रमुख रहेका छन्। उनका बुबा लि कुन हिलाई हृदयघात भएपश्चात कम्पनीको बागडोर उनले नै सम्हाल्दै आएका हुन्।
लि पहिलो पटक सन् २०१७ मा पार्कसँग सम्बन्धित भ्रष्टाचारको मुद्दामा पक्राउ परेका थिए। लिको फर्मले पूर्व राष्ट्रपति हेको निकटका व्यक्तिको गैरनाफामुखी संस्थाहरुमा चन्दा दिएर राजनीतिक लाभ लिएको पनि आरोप लगाइएको थियो। लिमाथि तीन करोड ६० लाख डलर चन्दा दिएको आरोप पनि रहेको थियो। तर पछि सजाय कम गरेर अपिल खारेज गरिएको थियो। यद्यपी पुनर्विचारको आदेश पनि भएको अन्तरराष्ट्रिय सञ्चारमाध्यमले जनाएका छन्।
त्यसपश्चात, वर्षौँसम्म लिले कानुनी समस्याहरु झेल्दै आएका थिए। लि विरुद्धको ओरोपहरुमा भ्रष्टाचार, विदेशमा सम्पत्ति लुकाएको तथा सम्पत्तिको दुरुपयोग लगायतका अन्य आरोप रहेको थियो।
लिले सबै आरोपहरुलाई अस्विकार गरेपनि चन्दा सहयोग गरेको स्विकार गरेका थिए। उनले सो बापत सामसुङ्गले केहि पनि नचाहेको उल्लेख गरेका थिए। २०१७ को अगस्टमा उनलाई अदालतले दोषी ठहराएको थियो र पाँच वर्ष जेल चलान गरिएको थियो। २०१८ को फेब्रुअरीमा सो सजाय आधाआधी समाप्त भएको थियो र सियोल उच्च अदालतले जेल सजाय खारेज गर्ने निर्णय गर्यो। त्यसपछि लि स्वतन्त्र भएका थिए तर, सर्वोच्च अदालतले उक्त मुद्दालाई सियोल उच्च अदालतमा फिर्ता पठाएर सोमबार दुई वर्ष ६ महिनाको जेल सजाय सुनाएको हो। एजेन्सी
