सानिमा लार्ज इक्वीटीमा १.०७ गुणा बढी आवेदन

Jan 26, 2021 05:17 PM Merolagani



सानिमा क्यापिटलले बिक्रीमा ल्याएको सानिमा लार्ज इक्वीटि फण्डको १.०७ गुणा बढी इकाई खरिदको लागि आवेदन परेको छ। 

क्यापिटलका अनुसार अन्तिम दिन अर्थात मंगलबार साँझसम्ममा ६३ हजार २९१ जना आवेदकबाट ९१ करोड ३७ लाख १० हजार २०० रुपैयाँ बराबरको ९ करोड १३ लाख ७१ हजार २० कित्ता इकाई खरिदको लागि आवेदन परेको हो।

क्यापिटलले माघ ९ गतेदेखि प्रतिइकाई १० रुपैयाँ अंकित दरमा एक अर्ब रुपैयाँ बराबरको १० करोड इकाई बिक्रीमा ल्याउन लागेको हो। फण्डले १५ प्रतिशत इकाई कोष प्रवर्धक सानिमा बैंकलाई सुरक्षित गरी बाँकी रहेको ८ करोड ५० लाख इकाई सर्वसाधरणलाई बिक्री गर्न लागेको हो। उक्त फण्डमा न्यूनतम १०० देखि एक करोड इकाईसम्म आवेदन दिन पाउने व्यवस्था थियो।

सात वर्ष अवधिको उक्त फण्डले आगामी वर्षदेखि ५ वर्षमा इकाइधनीलाई ७० प्रतिशत प्रतिफल दिने प्रक्षेपण गरेको छ। फण्डका इकाइधनीलाई दोस्रो वर्ष १० प्रतिशत तेस्रो वर्ष १२ प्रतिशत, चौथो वर्ष १४ प्रतिशत, पाँचौ वर्ष १६ प्रतिशत र छैठौं वर्ष १८ प्रतिशत लाभांश वितरण गर्ने योजना क्यापिटलको रहेको छ।




आठ दिनपछि आयाे सुनको मूल्य, कतिमा हुँदैछ कारोबार ?

Jul 11, 2025 11:30 AM

नेपाली बजारमा सुन र चाँदीको मूल्य आठ दिनपछि आएकाे छ । बिहीबार सरकारसँग ६ बुँदे सहमति भएपछि आज शुक्रबार सुनको मूल्य आएकाे हो । सुन चाँदी व्यवसायीहरुले गरेको आन्दोलन कारण गत असार १९ गते बिहीबारदेखि सुनको मूल्य आएको थिएन ।